Gramshi mori një fitore të madhe në shtëpi, ku mposhti Besëlidhjen në shifrat 2-1. Të shtunën, në stadiumin e qytetit të Gramshit, “Myslim Koçi”, u luajt takimi i fundit të fazës së parë midis Gramshit dhe Besëlidhjes. Përballja ka qenë e luftuar nga të dy ekipet, që kanë kërkuar fitoren dhe rastet nuk kanë munguar. Gramshi e ka dominuar këtë sfidë të vështirë. Miqtë nga Lezha në fund të pjesës së parë kanë shënuar me Alcanin, në të 44-ën.

Pjesa e parë ka përfunduar në favor të miqve, ndërsa e dyta ka filluar me një Gramsh më kërkues në lojë dhe rezultat. Në minutën e 47-të, ka qenë Zogu për vendasit, që sjell barazimin e rezultatit dhe entuziazmin te të tijtë. Të kuqtë kanë pasur disa raste për shënim. Në minutën e 70-të të takimit, Xhelili ka përmbysur gjithçka në favor të skuadrës së tij, duke shënuar dhe golin e fitores. Minutat e mbetura nuk kanë sjellë asgjë..

Sopoti-Basania- Librazhdasit arritën të marrin një fitore me përmbysje në shtëpi ndaj Basanias. Me një mot me reshje, që e bënte tejet të vështirë zhvillim normal të takimit, Sopoti e gjejnë veten në disavantazh në minutën e 15-të. Shima i befason të gjithë, duke kaluar shkodranët në avantazh. Vendësit kërkojnë të përgjigjen, por terreni i rënduar dhe fati i pengojnë në disa raste. Në fundin e pjesës së parë është 19-vjeçari nigerian Aminu Ahmed që barazon shifrat pas një rrëmujë në zonë, gol q u kontestua nga miqtë. Fraksioni i dytë sjell avantazhin për librazhdasit, ku nigeriani Nayara shënon në të 70-ën. Pak para fundit ka kohë edhe për një tjetër gol, ku shënon kapiteni Erando Seferi, i cili vulos takimin në 3-1. Sopoti është ndjekësi i Luzit, që me një ndeshje më pak kryeson me një pikë më shumë, 26.

Iliria-Adriatiku- Iliria dhe Adriatiku ndeshjen e javës së fundit të fazës së parë e luajtën në fushën asnjanëse, kompleksi “Vëllezërit Duli” në Koplik, rreth 120 kilometra larg Fushë-Krujës. Takimi u luajt në Fushën e Veleçikut dhe shkak për këtë është bërë dënimi fushës së Ilirisë nga Disiplina. Ndeshja ka nisur me gol për Ilirinë. Në të 14-ën, Markoçi pasi ka marrë një asist nga Koleci, godet vetëm 5 metra larg portierit dhe shënon. Loja dominohet nga fushëkrujasit, por gola të tjerë nuk ka. Në fraksionin e dytë, Ilria dominon tërësisht dhe pas dy traversave brenda një minute, vjen goli i dytë. Në minutën e 69-të ka dyfishuar me kokë Bledar Likaj, i cili kishte hyrë në lojë tri minuta më parë. Pas kthimit të topit nga traversa, ai ia del të gjejë portën kundërshtare. Përpjekjet deri në fund të skuadrës së drejtuar nga trajneri Dritan Smajlit nuk sollën ndryshim të rezultatit.

Albanët-Veleçiku- Fitorja 2-1 i ka ngjitur Albanët në vendin e shtatë.  Të tre golat u shënuan në pjesën e dytë. Fillimisht shënoi Spahiu, në pjesën e dytë në minutën e 64-t, por 5 minuta më pas koplikasit barazuan me Rragamin. Kur loja po shkonte drejt fundit, kryeqytetasit shënojnë golin e fitores në kohën shtesë, me Joel Petritaj. Të dyja skuadrat kanë zhvilluar një ndeshje mjaft të fortë, të bukur e të luftuar, por që e kanë mbyllur me nga 10 lojtarë, pasi fillimisht Amarildo Kaçaj i Veleçikut në minutën e 66-të dhe më pas Horgito Troksi i Albanëve pas 13 minutash i kanë lënë skuadrat e tyre me një lojtarë më pak. Tensioni nuk ka munguar, ku koplikasit kanë kontestuar gjykimin, ku sipas tyre goli i dytë i Albanëve ka qenë i parregullt.

 

 

GRAMSHI-BESËLIDHJA 2-1

Golat: Zogu 47’, Xhelili 70’ / Alcani 44’

GRAMSHI: Sogani, Shehi, Xhika, Dedja, Xhelili, Liçe (Lila 66’), Malaj (Baku 73’), Goga, Zogu, Topalli, Ajazi (Muzhaqi 66’).

Trajner: Besnik Bashaliu

BESËLIDHJA: Gjoka, Dibra, Alcani, Ruqi, Dedaj, Vukaj, Tatej, Kaçeli, N.Marku (Gjergji 75’), Allamani, D.Marku. Trajner: Edmond Dalipaj

Gjyqtarë: M.Dyrmyshi (Poliçan), P.Puto (Gjirokastër), D.Tafaj (Tiranë);

Kartonë të verdhë: Zogu 88’ / N.Marku 38’

Delegat: Shpëtim Hala (Librazhd)

Vëzhgues: Vasil Angjo (Pogradec);

  

 

SOPOTI-BASANIA 3-1

Golat: Aminu 44’, Najara 70’, Seferi 82’ / Shimaj 15’

SOPOTI: Hasfatija, Broshka, Tanushi, Seferi, Ukaj, Amoumane Inkad (Rreshka 69’), Aminu, Myslimi, Goçi (Ferhati 63’), Abdoulaye Sejni, Najara (Jugu 71’). Trajner: Besnik Kola

BASANIA: Marku, Leka, Shimaj, Asunçao, Ardit Hoxhaj, Daija, Arseld Hoxhaj, Hasaj, Zefi, Radohina, Xhahysa (Ferreira 71’).

Trajner: Erjon Mani

Gjyqtarë: A.Kadria, E.Kume, P.Shyle (Tiranë);

Kartonë të verdhë: Abdoulaye Sejni 20’, Aminu 44’ / Asunçao 21’, Marku 45’, Daija 74’, Ars.Hoxhaj 83’

Delegat: Eduard Merolli (Korçë)

Vëzhgues: Dashnor Dosti (Berat);

 

ILIRIA-ADRIATIKU 2-0

Golat: Markoçi 14’, B.Likaj 69’

ILIRIA: Xhika, Kallaku, Stafa, Trokthi, Bakalli, Lleshi (B.Likaj 66’), Markoçi (Abazi 87’), Koleci, Përgjoni, Qehaja (Vilareal 75’), Veriu (Çereku 87’). Trajner: Dritan Smajli

ADRIATIKU: Pllumbi, Dhimitri, E.Loci (Elezi 66’), Mala (Fuçija 6’), Mema, Mustaka, Tragaj, Torra (Alla 76′), Sulejmani, Hasani, Hoxha. Trajner: Ded Mehmeti

Gjyqtarë: R.Gemi, A.Çobaj, S.Hysejni (Shkodër);

Kartonë të verdhë: Përgjoni 29’, Koleci 54’ / Torra 10’

Delegat: Krenar Alihmehmeti (Tiranë)

Vëzhgues: Vasil Nikolli (Laç);

 

ALBANËT-VELEÇIKU 2-1

Golat: Spahiu 64’, Petritaj 90’ / Rragami 69’

ALBANËT: Lenja, Troksi, Çuni, Shembitraku, Ahmati, Petritaj, Alushi, Xhabafti (Mertini 82’), Ferizolli, Muhamad (Spahiu 46’), Met’hoxha. Trajner: Altin Birçe

VELEÇIKU: Lopçi, Banushaj, Am.Kaçaj, Bzhetaj, Al.Kaçaj, Elvis Rustemaj (Ndrecaj 82’), Çokaj, Elidon Rustemaj, Broja (Pjetracaj 77’), Shekaj, Rragami. Trajner: Besnik Duli

Gjyqtarë: K.Qëndraj, J.Isufi, N.Likaj, A.Merdanaj (Vlorë);

Kartonë të verdhë: Troksi 62’, 79’, Xhabafti 77’ / Çokaj 5’, Bzhetaj 9’, B.Duli 39’, Kaçaj 77’, Lopçi 90’

Kartonë të kuq: Troksi 79’ / Am.Kaçaj 66’

Delegat: Endi Hyka (Tiranë)

Vëzhgues: Arjan Mahmuti (Vlorë);

 

KATEGORIA E DYTË

 

GRUPI A

 Java 11 (14-15-18 dhjetor)

 Të shtunën

Sopoti-Basania 3-1

Gramshi-Besëlidhja 2-1

Albanët-Veleçiku 2-1

Dje

Iliria-Adriatiku 2-0

Të mërkurën

Murlani-Tërbuni 13:00

Luzi 2008-Naftëtari 13:00

 

RENDITJA

 

Skuadra              N    P    F    B    H    G+/G-

1. LUZI 2008 10 26   8    2    0    33-11
2. SOPOTI 11 25   8    1    2    25-12
3. ILIRIA      11   24   7    3    1    19-5
4. TËRBUNI 10 17   5    2    3    17-13
5. BESËLIDHJA 11 17   5    2    4    15-14
6. VELEÇIKU 11 15   4    3    5    19-13
7. ADRIATIKU 11 11   3    2    6    18-21
8. NAFTËTARI 10 11   3    2    5    11-15
9. ALBANËT 11 11   3    2    6    21-27
10. BASANIA 11 10   2    4    5    14-19
11. GRAMSHI 11   10   2    4    5    12-18
12. MURLANI 10 1    0    1    9    2-38

 

Java 12 (25 janar 2025)

Basania-Adriatiku 13:00

Iliria-Tërbuni 13:00

Murlani-Veleçiku 13:00

Albanët-Besëlidhja 13:00

Gramshi-Naftëtari 13:00

Luzi-Sopoti 13:00

 

M.Miraka/ A.Dushku/ L.Qoshku- PANORAMASPORT.AL

NDIQE LIVE "PANORAMA TV"

---