Kupa e Italisë është shansi për ata që kanë luajtur shumë pak. Simone Inzagi është gati që të bëjë një rrotacion masiv në kuadër të duelit kundër Udinezes dhe do të zbresë në fushën e lojës linjat e dyta, për të mos thënë të treta.

Referuar këtu portierit Martinez, i cili me shumë mundësi do të debutojë me zikaltrit sepse ende nuk e ka provuar këtë shije.

Ai u ble nga Xhenoa në merkaton e verës, por nuk ka pasur shansin të luajë. Pritet gjithashtu edhe Palacios të luajë nga minuta e parë në vend të Bastonit. Bjukenën do të luajë në të majtë, ndërsa mesfusha do t’i besohet Asllanit, Fratezit dhe Zielinskit.

Në sulm pritet që dyshja të jetë Korrea me njërin prej Arnautoviç dhe Taremit. Këta të fundit kanë një garë me njëri-tjetrin për dy fanellat e titullarit gjatë këtyre ditëve në stërvitje.

PANORAMASPORT.AL

NDIQE LIVE "PANORAMA TV"

---