Laçi i vendit të fundit dhe pa trajner për momentin luan të premten me Dinamon në Elbasan. Luhet në fushë asnjanëse dhe mund të jetë një favor për kurbinasit, por në anën tjetër ata kanë kundër statitstikat e kampionatit të shkuar në sfida me kryeqytetasit.

Për me tepër, Dinamo është më e fortë këtë sezon dhe Laçi më i dobët, të paktën siç kanë treguar rezultatet e 7 javëve të para. Një sezon më parë Laçi regjistronte dy barazime dhe dy humbje kundër Dinamos. Ndeshjen e fazës së parë e vendoste një gol i Zabërgjës, me kryeqytetasit që fitonin 0-1. Në fazën e dytë blutë fitonin 2-0, me gola të shënuar nga Andoni dhe Bardhi.

Në barazimi 1-1 (gola të Qatos dhe Denison) dhe 0-0 do të mbylleshin ndeshjet e fazës së tretë dhe të katërt. Laçi sezonin e shkuar fitoi vetëm një ndeshje në kupën e Shqipërisë, me rezultatin 1-0 (autogol i Jankut). Këtë kampionat këto dy skuadra përballen për herë të parë, me Dinamon favorite në letër. Megjithatë, kurbinasit do të kërkojnë kthesën me të gjitha mundësitë e tyre, në pritje të emërimit të trajnerit të ri.

PANORAMASPORT.AL

NDIQE LIVE "PANORAMA TV"

---