Periudha e Krishtlindjes shërben më së shumti për të analizuar numrat e skuadrave dhe të individëve. Këtë herë është radha e portierit Jan Zomer që ka shumë gjëra për të festuar.13, ashtu si ndeshjet pa pësuar gol në këtë sezon, 8 ashtu si ndeshjet me rrjetën e paprekur në kampionat: Leçe, Atalanta, Roma, Empoli, Venecia, Verona, Lacio, Komo. Është portieri që ka mbyllur më shumë ndeshje me këtë të dhënë pozitive. Ndërkohë që këtyre duhet t’u shtohen edhe 5 ndeshjet pa gol në Champions League, pikërisht ndaj Sitit, Cervena Zvezdës, Jang Bojsit, Arsenalit dhe Lajpcigut. Zomer ka 59% ndeshjesh pa pësuar gol në Champions, 13 nga 22 në total. Dhe numri i fundit, që është më impresionues është 36, ashtu si vitet ka mbi shpatulla dhe i festoi më 17 dhjetor.

SHTYHET STAFETA- Duhet ta nisim pikërisht nga ky aspekt. Zomer është duke u konfirmuar një portier i elitës, shumë larg rënies që mosha mund të sjellë. Në fakt në fillimin e sezonit nuk ishte aq shumë i lumtur sepse po pësonte shpesh.

Sot është një histori tjetër. Zvicerani është një protagonist i periudhës së fundit duke bërë disa pritje vendimtare në momentet delikate të ndeshjeve, ashtu siç ndodhi pikërisht kundër Komos ndaj Niko Paz. Në këtë sezon ku drejtuesit menduan që do të bënin rrotacion në portë dhe ai do t’i linte stafetën Martinezit, po ndodh e kundërta. Ai është projektuar për të qenë një titullar në të ardhmen. Tani porta është e sigurt me Zomerin.

LIDER- Është e pamundur të mos dallosh një efikasitet në fazën mbrojtëse dhe rendimentin e shkëlqyer të Zomerit. Në 11 ndeshjet e fundit, duke përjashtuar 17 minutat e luajtura kundër Fiorentinës që nuk përfaqësojnë një ndeshje komplete, Interi ka pësuar vetëm 3 gola: Një ndaj Napolit, një me Parmën dhe një me Leverkusenin. Përtej numrave, pavarësisht se ka një ndeshje më pak në kampionat, zikaltrit kanë diferencën më të golave (+27). Dhe pikërisht ky aspekt mund të ndihmojë për vendin e parë të kampionatit.

PANORAMASPORT.AL

NDIQE LIVE "PANORAMA TV"

---