Herri Meguajër dhe Ebereçi Eze janë dy “viktimat” e emrave të njohur në skuadrën e fundit të Anglisë të Li Karslejt. Ndërsa Kajl Uoker është rikthyer në skuadrën e Anglisë për ndeshjet kundër Greqisë dhe Finlandës në Ligën e Kombeve. Mbrojtësi i Mançester Sitit u la jashtë skuadrës së mëparshme, duke ngritur pikëpyetje mbi të ardhmen e tij ndërkombëtare.

Por anësori është rikthyer në grup, si edhe Kol Palmer, Xhud Bellingam dhe Fill Foden, të cilët humbën skuadrën e mëparshme për shkak të dëmtimit. Sulmuesi i Totenhem, Dominik Solanke është thirrur për herë të parë pas shtatë vitesh pas një nisje mbresëlënës të sezonit. Ai ka shënuar tre gola në po aq ndeshje për skuadrën e Ange Postekoglusë pas transferimit të tij gjatë merkatos së verë verës për 65 milionë paund nga Bornmëthi.

Nëse ai luan për “Tre Luanët” për herë të parë në shtatë vjet, kjo do të jetë diferenca më e gjatë për një lojtar mes dy ndeshjeve me kombëtaren e Anglisë, që nga Ian Uoker (shkurt 1997-qershor 2004).

PANORAMASPORT.AL

NDIQE LIVE "PANORAMA TV"

---