Një gol i koreano-jugorit Kim, i ka dhënë Bajern Mynih një fitore shumë të rëndësishme ndaj PSG-së në ndeshjen e sotme të Ligës së Kampioneve. Të dy skuadrat ishin në vështirësi në renditjen e turneut dhe tre pikët i kanë dhënë pak më shumë qetësi bavarezëve për ndeshjet e fundit.

Ndeshja ishte e hapur, por me bavarezët që krijuan më shumë shanse për shënim, teksa e gjetën më në fund golin pas një gabimi të portierit Sofonov i cili nuk largoi siç duhet topin, duke ia dhuruar Kim.

Kartoni i kuq i Dembele në pjesën e dytë ia bëri më të thjeshtë punën bavrezëve të cilët krijuan raste të tjera, ndërsa goditën edhe shtyllën me anë të Musiala. PSG provoi të shtynte drejt sulmit në fund, por rezultati nuk ndryshoi deri në vërshëllimën përfundimtare që dekretoi fitoren e Bajernit.

BAJERN MYNIH-PSG 1-0
38′ Kim

Musiala godet shtyllën (VIDEO)

Nojer nis aksionin në mesfushë, bavarezët shpërdorojnë me Musiala dhe Koman para portës (VIDEO)

Dembele ndëshkohet me kartonin e dytë të verdhë (VIDEO)

Koman dërgon topin mbi traversën e portës parisiene (VIDEO)

Sofonov gabon grushtimin pas një këndoreje dhe Kim me kokë kalon bavarezët në avantazh (VIDEO)

Dembele ndalet nga Nojer, ndërsa Zhoao Neves nuk gjen portën (VIDEO)

Koman nuk gjen portën pas driblimit në zonë (VIDEO)

Musiala gabon i vetëm para Safonov (VIDEO)

FORMACIONET ZYRTARE

BAJERN MYNIH: (4-2-3-1): Nojer; Laimer, Upamekano, Kim, Dejvis; Kimish, Goretzka; Sane, Musiala, Koman, Kejn.
Trajner: Vinsent Kompani

PSG (4-3-3): Safonov; Hakimi, Markinjos, Paço, Nuno Mendes; Fabian Ruiz, Vitinja, Zhoao Neves; Zair-Emeri, Dembelé, Barkola.
Trajner: Luis Enrike

Bajern Mynih – PSG

PANORAMASPORT.AL

NDIQE LIVE "PANORAMA TV"

---