Besa dhe Flamurtari e mbyllën në barazim 0 me 0 supersfidën e javës. Nga një pikë ndajnë secila prej skuadrave në stadiumin e Egnatias, ndërsa ndeshja pati vlerë për javën e 11-të të Kategorisë së Parë.

Pjesa e parë nuk prodhoi shumë raste nga skuadrat e Mirel Josës dhe Andrea Agostinelit. Dhe pse nisi vrullshëm me Oshafin, apo një gol i Ememe u anulua për pozicion jashtë loje te Flamurtari, sërish skuadrat ishin të kujdesshme.

Në të dytën situata ndryshoi. Tensioni i tifozëve në tribuna solli dhe grushte, teksa skuadrat në fushë shtuan ritmin dhe rastet.

Lorenc Trashi u largua me karton të kuq në minutën e 85-të, pasi plotësoi dy të verdhë. Sërish nuk pati rrezik te vlonjatët, teksa ishin ato që mund të shënonin golin e fitores me Allën.

Në fund kjo pikë u buzëqesh më shumë vlonjatëve. Kjo pasi kthehen në krye të renditjes, me po aq pikë sa Vora. Besa ndërkohë ndjek me tri pikë më pak.

REZULTATI PËRFUNDIMTAR

BESA 0-0 FLAMURTARI

NGJARJET KRYESORE

90+4′ Mbyllet ndeshja në barazim pa gola.

90+2′ Alla humb një mundësi të mirë, për atë që mund të ishte goli i fitores. (VIDEO)

90+1′ Shkurtaj  i lë vendin Kacbufit te Flamurtari. Ndërkohë Alfoseini atë të Nurjas nga Besa.

90+1′ Karton i verdhë për Nkube që shkakton faull dhe proteston.

90′ Akordohen 4 minuta shtesë.

89′ Faull në favor të Besës. Kanu provon fillimisht dhe më pas Mazrekaj provojnë, por Kaloshi kontrollon.  (VIDEO) + (VIDEO)

85′ Karton i kuq për Trashin, pasi mori kartonin e dytë të verdhë. Ndërhyrje e parregullt që nuk falet nga Jorgji. (VIDEO)

79′ Largohet Oliveira me Spahiun. Nkube në fushë me Da Silvan për Besën.

76′ Karton i verdhë për Trashin.

69′ Gjinaj merr vendin e Stafës te Besa.

65′ Mëllugja ndëshkohet me karton të verdhë për faull.

65′ Kaloshi nuk mposhtet te Flamurtari. Kanu humb rastin e artë te Besa. (VIDEO)

62′ Ememe provon pas pasimit të Pjeshkës, topi gjen rrjetën e jashtme. (VIDEO)

60′ Herald Marku merr vendin e Muratajt, i cili shfaq pakënaqësi. Në fund i jep dorën Agostinelit.

58′ Allmuça provon në zonë nga Flamurtari. Topi përfundon jashtë. (VIDEO)

49′ Ka përplasje në tribunë mes kavajasve dhe vlonjatëve. Të dyja tifozëritë ofendohen në kor. (VIDEO)

47′ Krijohet tension në fushë mes dy skuadrave. Gjithçka mbyllet nga Jorgji. (VIDEO)

45′ Nis pjesa e dytë. Agostineli aktivizon Shkurtajn në vendin e Oshafit.

45+2′ Mbyllet pjesa e parë në barazim 0-0. 

45+1′ Flamurtari e mbyll me rast pjesën e parë. Mehidri pret goditjen e Lorenc Trashit nga faulli. (VIDEO)

45′ Akordohet 1 minutë shtesë.

42′ Muri mbrojtës ndal Mazrekajn, që tenton nga goditja e dënimit. (VIDEO)

38′ Karton i verdhë për Frashërin, pas faullit ndaj Lorenc Trashit.

35′ Besa më kërkuese në këto momente. Topi për Oliveirën nuk shfrytëzohet si duhet nga ky i fundit në zonë. (VIDEO)

28′ Kanu ka pretendime për penallti, Jorgji vazhdon lojën. (VIDEO)

25′ Ememe tund rrjetën për Flamurtarin, por rezulton në pozicion jashtë loje. (VIDEO)

24′ Tentativa e parë në portë nga Besa. Kanu provon pas topit të krosuar nga goditja e dënimit, goditja me kokë është qëndrore dhe kontrollohet nga Kaloshi. (VIDEO)

18′ Mazrekaj provon, por topi përfundon larg portës. Merr duartrokitje për tentativën e tij. (VIDEO)

15′  Kapiteni i Besës, Mentor Mazrekaj, shfaq nervozizëm ndaj shokëve të skuadrës.

12′ Lëvizje të bukura nga Mentor Mazrekaj në krahun e majtë.

9′ Flamurtari tregohet më kërkues në minutat e para.

4′ Mehidri testohet nga Oshafi me rastin e parë të rrezikshëm. Topi përfundon në këndore, Mehidri pret pa probleme. (VIDEO)

1′ Nis ndeshja në Rrogozhinë.

FORMACIONET ZYRTARE

BESA: Mehidri, Spahiu, Goxha, Frashëri, Mëllugja, Abudallai, Mazrekaj, Kanu, Nurja, Oliveira, Stafa

Trajner: Mirel Josa

FLAMURTARI: Kaloshi, Trashi, Atanda, Alla, Allmuça, Bolanos, D. Pjeshka, Murataj, Oshafi, Diavara, Ememe

Trajner: Andrea Agostinelli

PANORAMASPORT.AL

 

NDIQE LIVE "PANORAMA TV"

---