Bylisi ka fituar 1 me 0 përballë Vllaznisë në Ballsh. Golin e vetëm të sfidës së vlefshme për javën e 15-të të Superiores e shënoi Malomo.

Ishte minuta e 10-të e takimit që nisi në orën 13:30, kur Malomo tundi rrjetën e portierit Qarri. Vllaznia pati rastet e saj për barazimin, por nuk ia doli për shkak dhe të paraqitjes pozitive nga portieri Hasanbelli.

Gjashtë ndeshje pati Vllaznia e Brdariç pa humbje në Superiore, ndërsa sot e la “nafta” pikërisht në Ballsh. Bylisi i Dedes ndërkohë u rikthye te fitorja pas katër javësh.

Me këtë rezultat, Bylisi parakalon Laçin duke e lënë në vendin e fundit. Bardhezinjtë kanë një ndeshje më tepër për të luajtur. Ndërkohë Vllaznia mbetet në vendin e dytë me dy pikë më pak se Partizani kryesues që luan derbin me Tiranën të dielën.

REZULTATI PËRFUNDIMTAR

BYLIS 1-0 VLLAZNIA

10′ Malomo

NGJARJET KRYESORE

90+4′ Mbyllet ndeshja në Ballsh me fitoren 1-0 të Bylisit ndaj Vllaznisë.

90+3′ Bylisi i afrohet golit të dytë me kundërsulm të rrezikshëm. Te Vllaznia pretendojnë për faull më parë ndaj Kahrimanoviç. (VIDEO)

90′ Akordohen 4 minuta shtesë.

90′ Marku merr karton të verdhë te Bylisi për vonesa.

82’ Abazaj rrezikon autogolin ndërsa tenton të largojë topin me kokë. Hasanbelli shpëton skuadrën e Bylisit. (VIDEO)

81’ Çoba aktivizohet në vendin e Qatos te Vllaznia.

77’ Bylisi i afrohet golit me Ualison. Goditja e tij devijohet nga Qarri dhe prek shtyllën. (VIDEO)

76’ Autori i golit Malomo i lë vendin Ualison te Bylisi.

73’ Faull në kufirin e zonës në favor të Vllaznisë. Dede proteston te arbitri i katërt. Goditja e Kahrimanoviç përfundon jashtë. (VIDEO)

72’ Zëvendësimi i parë te Bylisi. Dede largon sulmuesin Gjta për mesfushorin Sulovari.

72′ Goditje këndi që harkohet nga Kahrimanoviç. Grushton Hasanbelli për të larguar rrezikun.

64’ Deliu nis një top të mirë për Grudën, i cili nuk arrin të tund rrjetën në pozicion të prirët. Anësori akordon pozicion jashtë loje në përfundim të aksionit, ndërsa rasti është i dyshimtë. (VIDEO)

62′ Goditje e bukur nga Deliu në zonë. Është Hasanbelli që i thotë “jo” mesfushorit të Vllaznisë. (VIDEO)

59′ Gjata tund rrjetën e Vllaznisë, por festa nuk zgjat pasi anësori ngre flamurin për pozicion jashtë loje. (VIDEO)

57′ Sala ndëshkohet me karton të verdhë pas faullit ndaj Peraltës.

53’ Pretendime për penallti nga Kamara, që merr karton të verdhë për simulim nga Çela. (VIDEO)

53’ Bylisi shfaqet rrezikshëm me dy aksione në zonën e Vllaznisë. (VIDEO)

51’ Kamara harkon në qendër, por goditja e lehtë në portë nga Përgjoni pritet nga Qarri.

49’ Përgjoni ka nevojë për ndihmën e stafit mjekësor, pasi ka mbetur i dëmtuar nga Jago. Ishte Peralta që ndërpreu aksionin për skuadrën e tij.

46′ Nis pjesa e dytë. Brdariç ka dy ndryshime te radhët e tij, pasi aktivizon Juriç në vendin e Bajramit si dhe Gruda zëvendëson Dodajn.

45+2′ Mbyllet pjesa e parë me rezultatin 1-0 për Bylisin.

45′ Akordohen 2 minuta shtesë.

44’ Goditja e parë në portë nga Vllaznia. Është Balaj që pas pasimit nga Dodaj teston portierin Hasanbelli, i cili pret topin e goditur nga kapiteni shkodran. (VIDEO)

42’ Bekim Balaj lëviz mirë në mesfushën e Bylisit dhe krijon një rast për goditje te Qato. Goditja e këtij të fundit ndërpritet nga mbrojtja e Bylisit.

39′ Ndërhyrje fantastike e Salës, i cili zhgënjen Peraltën që po shkon drejt goditjes së portës kundërshtare. (VIDEO)

38’ Abazaj bllokon topin nga i cili po përfitonte Mala, që vjen pas shpinës së mbrojtjes ballshiote. (VIDEO)

37′ Shtohen reshjet e shiut në Ballsh.

35’ Bajrami shkakton faull dhe ndëshkohet me karton të verdhë, ndërsa ndal Gjatën. Ruçi godet dhe topi përfundon jashtë, ndërsa Qarri kishte mbetur i palëvizur. (VIDEO)

31’ Esat Mala fiton një faull të shkaktuar nga Ofori në kufi të zonës. Është Balaj që ekzekuton dhe e djathta e tij përfundon jashtë. (VIDEO)

29′ Bajrami pretendon penallti pasi rrëzohet në zonë. Kryesori Çela nuk është i këtij mendimi. (VIDEO)

26’ Peralta merr karton të verdhë pas një përplasje me Salën. (VIDEO)

26’ Ende asnjë goditje në portë nga ana e kuqebluve të Vllaznisë.

23’ Ofori gabon dhe është Balaj ai që përfiton. Pas disa lëvizjeve pason për Kahrimanoviç, i cili kroson në fundore drejt e në duart e portierit të Bylisit.

22’ Balaj kapet në pozicion jashtë loje. Më parë Jago kishte nisur një top të gjatë drejt tij, aksion i cili ishte ndërprerë nga portieri Hasanbelli.

17’ Faull i shkaktuar nga Deliu ndaj Kamaras. Ruçi harkon në zonë, ndërsa akordohet faull në sulm kundër Kahrimanoviç.

14’ Balaj proteston te Çela, pasi ky i fundit ka ndërprerë lojën që një lojtar i Bylisit të marrë ndihmën mjekësore.

10’ GOOOL!  Malomo shënon për Bylisin, pas një kundërsulmi perfekt. Lojtari i Bylisit ndihmohet dhe Stojanoviç, i cili në përpjekje për të ndalur topin, i jep një devijim që mposht Qarrin. (VIDEO)

9’ Kahrimanoviç i afrohet golit te Vllaznia. Bruno i ndërpret rrugën topit që do testonte portierin Hasanbelli. (VIDEO)

7′ Ka reshje shiu në Ballsh.

7′ Çela këshillon Brdariç, që protestoi për rivënie fundore.

4’ Gjata bën gjithçka mirë pas topit të gjatë nga Ruçi. Është ky i fundit që godet nga jashtë zone, por topi përfundon jashtë. (VIDEO)

4’ Kahrimanoviç merr përsipër goditjen e këndit. Topi i krosuar nuk shfrytëzohet si duhet nga kuqeblutë. (VIDEO)

3’ Vlllaznia më kërkuese në fillimin e sfidës, fiton një goditje këndi.

1′ Nis ndeshja në Ballsh. Deliu e nis në vendin e Gurishtës, që nuk ia doli dhe pse ishte programuar si titullar për Brdariç.

FORMACIONET ZYRTARE

BYLIS: Hasanbelli, De Souza, Gjata, Kamara, Ruçi, Tafek, Ofori, Marku, Peralta, Përgjoni, Abazaj

Trajner: Nevil Dede

VLLAZNIA: Qarri, Deliu, Sala, Balaj, Kahrimanoviç, Bajrami, Mala, Dodaj, Qato, Jago, Stojanoviç

Trajner: Tomas Brdariç

PANORAMASPORT.AL

NDIQE LIVE "PANORAMA TV"

---