Partizani ka marrë tre pikë shumë të rëndësishme ndaj Dinamos në derbi, për të mbyllur i shkëputur nga ndjekësit ndeshjet e javës së 13-të, para pauzës për kombëtaret.

Në ndeshjen luajtur në ”Elbasan Arena”, të dy skuadrat kanë zhvilluar një futboll të shpejtë, por me shumë pasime gabim në fazën sulmuese. Golat erdhën në pjesën e dytë të takimit ku Cara dhe më pas Rrapaj shënuan gola identikë me depërtime në qendër të mbrojtjes së bluve, duke bërë të pavlefshëm barazimin e përkohshëm të Zabërgjës.

Dinamo u mundua të gjente barazimin deri në fund, por ishte e pasaktë në rastet që krijoi, duke regjistruar kështu humbjen e parë që kur drejtimin e skuadrës e mori Ilir Daja.

DINAMO-PARTIZANI 1-2

54′ Zabërgja / 48′ Cara, 62′ Rrapaj

NGJARJET KRYESORE

90’+7’ Mbyllet ndeshja me fitoren 2-1 të Partizanit.

90’+5’ Harkime radhazi në zonën e Partizanit, në fund është Mandela i cili me kokë nuk ia del të gjuajë në katërkëndor. (VIDEO)

90’+2’ Zhordi tenton të gjejë golin me një gjuajtje brenda zonës, sfera devijohet jashtë nga Vila. (VIDEO)

90’ Jepen 6 minuta shtesë.

90’ Një goditje dënimi e Lorran nuk devijohet nga askush në zonë dhe shkon në fundore. (VIDEO)

88’ Vila dhe Zhordi hyjnë në fushë në vend të Qefaliajt dhe Tolit.

83’ Qardaku merr vendin e Meksit te Dinamo.

78’ Gudiabi dhe Bregu lënë fushën e lojës për Dinamon, ku aktivizohen Karamba dhe Maliqi. Domgjoni merr vendin e Buxhelajt te Partizani.

77’ Cara nga majta nis një pasim për Mba në shtyllën e parë, devijimi i tij ndalet nga Sali me vështirësi. (VIDEO)

75’ Bintsuka dhe Mba tentojnë të gjuajnë drejt portës në hyrje të zonës së Dinamos, sfera devijohet dhe shkon në duart e Salit.

72’ Rrapaj tenton të hyjë në zonë dhe shkel Tolin, me të dy lojtarët të cilët përfundojnë të dëmtuar. (VIDEO)

67’ Shanaj merr karton të verdhë për protesta.

66’ Bintsuka merr vendin e Zekës te Partizani.

63’ Mba gjen përsëri rrjetën me një kundërzbritje të shpejtë, por goli është i pavlefshëm për pozicion jashtë loje. (VIDEO)

62’ GOOOL PARTIZANI! Rrapaj ecën i vetëm para zonës së Dinamos dhe lëshon një gjuajtje të befasishme që mposht Salin. (VIDEO)

54’ GOOOL DINAMO! Pas një harkimi të Lorran nga e majta, Bregu me kokë godet traversën e pastaj Zabërgja është më i shpejtë të shkojë te topi dhe ta shtyjnë në rrjetë. (VIDEO)

52’ Zeka tenton të gjejë golin me një goditje dënimi ballore, sfera shkon shumë lart mbi traversë. (VIDEO)

48’ GOOOL PARTIZANI! Sulm i shpejtë i të kuqve me Carën i cili depërton i vetëm deri në zonë dhe lëshon një gjuajtje të pakapshme me të majtën (VIDEO)

46’ Nis pjesa e dytë me Shanajn në vend të Mehmetit te Partizani.

45’+3’ Mbyllet pjesa e parë pa gola.

45′ Jepen 3 minuta shtesë.

43’ Zeka ndërhyn në mënyrë të gabuar ndaj Lorran dhe ndëshkohet me karton të verdhë.

41’ Edhe Zabrgja ndëshkohet me karton të verdhë për një faull ndaj Kotes që u shoqërua me protesta.

40’ Sembene ndëshkohet me karton të verdhë pas një faulli ndaj Bregut.

37’ Në një goditje dënimi të Rrapajt nga e djathta, Sembene me kokë gjuan por kalon topin mbi traversën e portës së Dinamos. (VIDEO)

35’ Bregu nga e majta shtrin Bytyçin me lëvizjen e tij, por pastaj sheh gjuajtjen drejt portës t’i bllokohet nga mbrojtja. (VIDEO)

31’ Cara del me një sulm të shpejtë në të djathtën, me Salin e dalë nga katërkëndori ai provon të pasojë drejt Mba por mbrojtja e bluve çon sferën në këndore. (VIDEO)

30’ Partizani insiston me harkime radhazi nga e majta, Dita dhe Aliji spastrojnë zonën duke mos i dhënë mundësinë Mba të gjuajë drejt portës.

28’ Goditje dënimi për Partizanin. Rrapaj harkon në zonë ku Mba godet me kokë, por nuk gjen portën e dinamovitëve. (VIDEO)

20’ Lorran nga e majta ka shumë hapësirë, hyn në zonë dhe gjuan., por gjen një mbyllje të Sembene. Dinamovitët janë ata që protestojnë tashmë për prekje topi me dorë, Hamiti bën shenjë që loja të vazhdojë. (VIDEO)

15’ Raste radhazi për blutë para portës së të kuqve, por gjuajtjet nuk mbërrijnë në katërkëndorin e Qirkos, të ndalura nga një mur i dendur lojtarësh para tij.

11’ Shtylla shpëton Dinamon! Pas një goditje këndi, topi mbetet në zonën e Dinamos dhe Mba gjuan, por një devijim i Ditës çon topin në shtyllë dhe pastaj jashtë, duke shpëtuar blutë. Lojtarët e Partizanit pretendojnë për një prekje të topit me dorë të Ditës gjatë aksionit, por gjyqtari nuk e sheh si të tillë. (VIDEO)

9’ Preka nis një top në thellësi për Carën që nuk e kontrollon siç duhet dhe i jep mundësinë Salit ta mbërthejë.

8’ Në zhvillimin e goditjes nga këndi, Gudiabi gjuan me kokë por nuk gjen katërkëndorin e portës së Qirkos. (VIDEO)

7’ Bregu provon nga e majta e sulmit, topi devijohet në këndore nga mbrojtësit e Partizanit. (VIDEO)

4’ Rrapaj nis një top në qendër drejt Zekës, pak më të fortë se duhet dhe sfera kalon në rivënie fundore.

1’ Nis dueli në “Elbasan Arena:

FORMACIONET ZYRTARE

DINAMO: Sali, Zabërgja, Gudiabi, Mandela, Bregu, Qefalija, Dita, Meksi, Aliji, Loran, Toli

Trajner: Ilir Daja

PARTIZANI: Qirko, Preka, Sembene, Bytyçi, Buxhelaj, Kote, Mehmeti, Rrapaj, Cara, Zeka, Mba.

Trajner: Aleksandar Veselinoviç

PANORAMASPORT.AL

NDIQE LIVE "PANORAMA TV"

---