Dinamo ka lënë pas dy ndeshje me luhatje dhe sot ka gjetur përsëri fitoren me një sukses të rëndësishëm përballë Teutës në “Elbasan Arena”.

Një gol i Zabërgjës në pjesën e parë dhe një tjetër i Nani në të dytën i ka dhënë suksesin 2-0 përballë durrsakëve, në një ndeshje të kontrolluar me qetësi nga kryeqytetasit, të cilët kishin një marsh më shumë në këtë sfidë.

Kësisoj, ata blinduan më shumë vendin e katërt në renditje, teksa janë në një distancë të afërt me skuadrat që kanë më lart në klasifikim, duke iu bashkuar pretendentëve për triumfin në Superiore.

DINAMO-TEUTA 2-0
26′ Zabërgja, 70′ Nani

NGJARJET KRYESORE

90’+4’ Mbyllet ndeshja me fitoren 2-0 të Dinamos.

90′ Jepen 4 minuta shtesë.

87’ Një harkim nga e majta gjen Kalaj në zonë, por gjuajtja e këtij të fundit me kokë shkon në duart e Salit.

84’ Zabërgja humb mundësinë e artë pas një asisti të Zhordi, teksa nga e majta kalon Tafas, por godet traversën e portës durrsake. (VIDEO)

81’ Sali ndëshkohet me karton të verdhë për vonesa loje.

80’ Kotobelli nuk mund të vazhdojë më për shkak të një dëmtimi dhe largohet nga fusha a e lojës, Kalaj merr vendin e tij.

71’ Preknicaj hyn në vendin e Arifit në radhët e Teutës.

70’ GOOOL DINAMO! Top perfekt i Ditës nga mesfusha për Nani i cili del para portës dhe nuk gabon duke dyfishuar shifrat. (VIDEO)

68’ Vila, Toli dhe Maliqi dhe i bëjnë vend Zhordi, Rufatit dhe Alijit në radhët e Dinamos.

59’ Torraj pason për Nasr i cili gjuan me kokë pak hapa larg portës por gjen përgjigjen vendimtare të Salit. (VIDEO)

57’ Karramba merr vendin e Qefaliajt në radhët e Dinamos.

56’ Boçi merr vendin e A. Peposhit në radhët e Teutës.

54’ Pas një goditje dënimi nga e djathta e sulmit, Gudiabi nuk ia del të devijojë në shtyllën e dytë me portën para tij. (VIDEO)

48’ Nani nga e djathta pason në qendër ku Vila devijon por e çon sferën jashtë.

46’ Torraj dhe E. Peposhi hyjnë në fushë në vend të Mingos dhe Tomës në fillimin e pjesës së dytë në radhët e Teutës.

45’+2’ Mbyllet pjesa e parë me avantazhin 1-0 të Dinamos.

45′ Jepen 2 minuta shtesë.

44’ Në harkimin e një goditje dënimi, Sali del mirë në ajër dhe mbërthen sferën mes lojtarëve të Teutës.

37’ Mingos tenton nga distanca, sfera shkon larg katërkëndorit të Salit. (VIDEO)

31’ Nani merr vendin e Mandelës së dëmtuar në radhët e Dinamos.

25’ GOOOL DINAMO! Sulm i shpejtë i Dinamos me Mandelën i cili gjuan dhe gjen përgjigjen e Tafas, por me këtë të fundit që nuk mund të shmangë gjuajtjen e Zabërgjës. (VIDEO)

21’ Një dalje e Tafas nga zona dhe Marku, ndalojnë një vërshim të Mandelës drejt portës. (VIDEO)

20’ Aksion i gjatë i durrsakëve pranë portës së Dinamos, Mingos gjuan por gjen Salin në pozicion. (VIDEO)

17’ Zabërgja nis një top interesant për Mandelën i cili devijon para Tafas, por nuk gjen portën e skuadrës durrsake. (VIDEO)

16’ Qefalija ndëshkohet me karton të verdhë.

11’ Toma nuk arrin të devijojë para portës, me durrsakët që pretendojnë për penallti, por me gjyqtarin Hamitaj i cili bën shenjë që loja të vazhdojë. (VIDEO)

7’ Një top nga e djathta gjen Tomën në qendër, gjuajtja e tij është e lehtë dhe përfundon në duart e Salit. (VIDEO)

6’ Toma hyn në zonë në krahun e djathtë, Dita mbyll gjithçka dhe çon sferën në këndore.

4’ Harkime radhazi nga e majta për Dinamon, mbrojtja durrsake tregohet e vëmendshme dhe largon rrezikun.

1′ Nis ndeshja në “Elbasan Arena”.

FORMACIONET ZYRTARE

DINAMO: Sali, Loran, Meksi, Dita, Toli, Gudiabi, Maliqi, Qefalija, Zabërgja, Mandela, Vila

Trajner: Ilir Daja

TEUTA: Tafas, Marku, Kotobelli, A. Peposhi, Kruja, Beqja, Mingo, Arifi, Lloci, Nasr, Toma

Trajner: Edi Martini

PANORAMASPORT.AL

NDIQE LIVE "PANORAMA TV"

---