VIDEO/ VAR, karton i kuq dhe 3 gola! Dinamo përmbys Vllazninë në minutën e 95-të
Dinamo ka mposhtur 2 me 1 Vllazninë në “Elbasan Arena”.
Dhe pse Vllaznia mbylli me avantazh pjesën e parë, të ndeshjes së vlefshme për javën e 7-të të Superiores, dinamovitët përmbysën gjithçka në të dytën.
Gjithçka erdhi pas daljes me karton të kuq të Salës nga Vllaznia, i cili ishte dhe autori i golit për shkodranët në pjesën e parë. Dinamo shënoi fillimisht me Itodo Mandelën në minutën e 79-të, ku i erdhi në ndihmë VAR pasi fillimisht anësori akordoi pozicion jashtëloje.
Më pas Bregu e ktheu në dramë. Lojtari i afruar në merkaton e verës shënoi për 2 me 1 në sekondat e fundit të takimit.
REZULTATI PËRFUNDIMTAR
DINAMO 2-1 VLLAZNIA
79′ Mandela, 95′ Mandela – 28′ Sala
NGJARJET KRYESORE
90+5′ Mbyllet ndeshja me fitoren e Dinamos.
90+5′ GOOOOOOL! Dinamo përmbys gjithçka me Bregun. Dramë e vërtetë në “Elbasan Arena” (VIDEO)
89′ Dinamo flirton me golin. Fati është me Vllazninë. (VIDEO)
88′ Qato largohet për t’i lënë vendin Podrimcakut te Vllaznia.
83′ Dinamo kërkon golin e fitores. Është Qarri që tregohet i vëmendshëm. Topi përfundon në këndore, që nuk shfrytëzohet më pas. (VIDEO)
79′ Çoba në vendin e Malës te Vllaznia.
79′ GOOOOOOOL! Dinamo barazon sfidën me anë të Mandelës. Anësori akordon fillimisht pozicion jashtëloje, por VAR korrigjon. (VIDEO)
74′ Maliqi merr vendin e Tolit, i cili nuk e ka kënaqur Ilir Dajën me paraqitjen sot.
70′ Dinamo kontrollon lojën duke qenë me 1 lojtar më shumë. Pavarësisht kësaj, asnjë goditje në portën e Qarrit.
64′ Zëvendësim te Dinamo. Meksi i lë vendin Qefaliajt.
58′ 13 minuta zgjat kjo ndeshje për Dodajn, që largohet për t’i lënë vendin Bajramit. Sulmuesi nuk duket i lumtur me zgjedhjen e Brdaric, pasi u aktivizua me fillimin e pjesës së dytë.
58′ Loran provon me një goditje nga jashtëzone. Pa probleme për Qarrin. (VIDEO)
57′ Ilir Daja largon Gudiabin për Vilën. Po ashtu dhe Naser Aliji futet në fushën e lojën, teksa del Karamba.
52′ Sala merr kartonin e dytë të verdhë për ndërhyrje të gabuar dhe lë Vllazninë me 10 lojtarë. (VIDEO)
50′ Karton i verdhë për Gudiabin, që ndërpret një aksion premtues.
46′ Nis pjesa e dytë. Vllaznia zëvendëson Delajn dhe aktivizon Dodajn.
45+4′ Mbyllet pjesa e parë me rezultatin 0-1 për Vllazninë.
45′ Akordohen 3 minuta shtesë.
43′ Tjetër dalje e rrezikshme për Vllazninë. Mala shërben në zonë, Balaj devijon, por pa forcë apo saktësi dhe topi kontrollohet nga Sali. (VIDEO)
40′ Probleme për Qaton, që merr ndihmën e parë te Vllaznia.
39′ Bregu tenton të rrezikojë portën e Vllaznisë. Qarri kontrollon pa probleme. (VIDEO)
35′ Balaj nuk arrin të shfrytëzojë një rast në zonë, krijuar nga Qato. (VIDEO)
31′ Karton i verdhë për autorin e golit Sala, pas një ndërhyrje të parregullt. Bregu nuk përfiton nga faulli duke e dërguar mbi portë.
28′ GOOOOOL! Sala kalon në avantazh Vllazninë. Skemë e ekzekutuar në mënyrë perfekte, që sjell festën te shkodranët. (VIDEO)
26′ Karton i verdhë për Karambën, pas një ndërhyrje të gabuar ndaj Malës.
25′ Balaj i shkon pranë golit. Shfaqet rrezikshëm në zonë, por “predha” e lëshuar shkon mbi traversë. (VIDEO)
22′ Qato provon me një goditje qëndrore. Portieri Sali i Dinamos tregohet i vëmendshëm duke kontrolluar gjithçka.
19′ Faull nga Gudiabi në dëm të Krymit. Mala ekzekuton dhe flirton me golin, teksa fiton goditje këndi. (VIDEO)
15′ Rast ku mund të tentohej goli nga Itodo Mandela. Sulmuesi i Dinamos lëshon topin më shumë se duhet dhe përfiton portieri Qarri.
12′ Ardit Krymi ndëshkohet me karton të verdhë pas protestave. Mesfushori i Vllaznisë kërkoi këndore, teksa shkodranët krijuan rast në zonën e Dinamos. (VIDEO)
7′ Dinamo shfaqet rrezikshëm në gjysmëfushën e Vllaznisë. Karamba provon nga jashtëzone, por pa shqetësuar Qarrin. (VIDEO)
5′ Të dyja skuadrat luajnë me ritëm të kënaqshëm në fillimin e takimit.
2′ Vllaznia e nis vrullshëm ndeshjen. Fiton këndore, që nuk shfrytëzohet nga kuqeblutë. (VIDEO)
1′ Starton dueli!
FORMACIONET ZYRTARE
DINAMO: Sali, Muzek, Hoxha, Zabërgja, Gudiabi, Mandela, Bregu, Karamba, Meksi, Lorran, Toli
Trajner: Ilir Daja
VLLAZNIA: Qarri, Gurishta, Juriç, Krymi, Sala, Balaj, Delaj, Mala, Qato, Jago, Stojanoviç
Trajner: Thomas Brdariç
Foto/ Ferdinand Hazisllari
PANORAMASPORT.AL
NDIQE LIVE "PANORAMA TV"
