Egnatia është shpallur fituese e Superkupës së Shqipërisë për herë të parë në historinë e saj, teksa ka mundur ekipin e Kukësit në finale.

Rrogozhinasit, ashtu siç pritej kanë dominuar përballe verlindorëve që vinin nga Kategoria e Parë, duke krijuar më shumë lojë e raste.

Goli i shpejtë i Ujkës në pjesën e parë ua bëri më të thjeshtë ndeshjen, por u desh të priteshin minutat e fundit të sfidës që të mbyllej diskutimi me golin e Bakajokos që vulosi suksesin 2-0.

EGNATIA-KUKËSI 2-0
19′ Ujka, 84′ Bakajoko

NGJARJET KRYESORE

90’+4’ Mbyllet ndeshja me fitoren 2-0 të Egnatias.

90’+2’ Kasa dhe Hasa ndëshkohen me karton të verdhë pas një tensioni në fushën e lojës.

90’ Jepen 3 minuta shtesë.

89’ Aleksi dhe Malota lënë fushë e lojës për t’i bërë vend Dulis dhe Ahmetajt.

85’ Kasa nis Bakajoko drejt portës, gjuajtja e sulmuesit përplaset te portieri dhe shkon jashtë.

84’ GOOOL EGNATIA! Pas një harkimi nga e majta, Bakajoko gjuan me kokë, Dervishaj largon sferën por asistenti bën shenjë që topi ka kaluar vijën fatale. (VIDEO)

82’ Jusur dhe Nasir i lënë vendin Mejdanit dhe Birçajt në radhët e Kukësit.

80’ Gjuajtje radhazi të rrogozhinasve pranë zonës së Kukësit, por që bllokohen nga mbrojtësit e skuadrës verilindore.

78’ Egnatia fiton topin pranë zonës kundërshtare, Kasa nga e djathta pason për Lushkjen i cili gjuan por sheh sferën të bllokohet nga Jusuf. (VIDEO)

77’ Xhoel merr vendin e Ujkës në radhët e Egnatias.

73’ Përsëri Beshiraj niset drejt portës e këtë radhë gjuajtja e tij para Dobjanit shkon jashtë. Sinjalizohet pozicion jashtë loje për sulmuesin e Kukësit. (VIDEO)

72’ Mundësi e artë e Kukësit për të rrezikuar pasi një top i gjatë për Beshirajn nuk ndalet mirë nga ky i fundit dhe Malota me Dobjanin kontrollojnë sferën. (VIDEO)

70’ Hasa kroson në zonë nga e djathta, Nasir me kokë nuk ia del të kthejë sferën në portë. (VIDEO)

68’ Votlai ndëshkohet me karton të verdhë pas një faulli në mesfushë.

63’ Lushkja gjuan nga jashtë zonës, Dervishaj pret në pozicion.

61’ Rama dhe Zejnullai i lënë vendin në fushë Votlait dhe Kasës në radhët e Egnatias.

58’ Ndreca harkon në zonë nga e majta, Bakajoko gjuan me kokë por Dervishaj dhe traversa ndalin goditjen e sulmuesit rrogozhinas. (VIDEO)

56’ Selita dhe Metani i lënë vendin në fushë Sulçes dhe Hilajt te Kukësi.

53’ Aleksi ndëshkohet me karton të verdhë pasi ndal Beshirajn në mënyrë të parregullt.

53’ Bakajoko rrëzohet në zonë pas një kontakti me Lamellarin, gjyqtari Vrapi lë lojën të vijojë mes protestave të rrogozhinasve. (VIDEO)

49’ Përsëri Ujka është ai i cili shfaqet në pozicion goditje para zonës, gjuajtja e tij këtë radhë nuk gjen portën e Kukësit.

47’ Rama nga e djathta harkon në zonë ku Zejnullai nuk godet siç duhet dhe sfera shkon në duart e Dervishajt.

46’ Nis pjesa e dytë pa lëvizje të tjera mes dy ekipeve.

45’+2’ Mbyllet pjesa e parë me avantazhin 1-0 të Egnatias.

45’ Jepen 2 minuta shtesë.

43’ Rama harkon në zonë nga e djathta, topi shkon direkt në duart e portierit të Kukësit. (VIDEO)

41’ Bakajoko gjuan me kokë, por përsëri nuk gjen katërkëndorin e portës së Dervishajt.

40’ Kukësi humb Kapllanajn për dëmtim, në vend të tij aktivizohet Baji.

32’ Top në thellësi për Bakajoko, Dervishaj del dhe mbërthen sferën.

26’ Vazhdon të jetë Egnatia në sulm në kërkim të golit, por duke administruar më shumë mbajtjen e topit pas avantazhit.

19’ GOOOL EGNATIA! Mbrojtja e Kukësit nuk largon një top në zonë, sfera shkon te Ujka i cili me të djathtën e çon sferën në rrjetë. (VIDEO)

16′ Bakajoko ka mundësinë e artë për të shënuar golin e avantazhit teksa kalon portierin, por nuk ia del të devijojë më pas sferën në rrjetë. (VIDEO)

14’ Zejnullai ndalet nga muri mbrojtës në një goditje dënimi, ndërsa më pas fluturon sferën mbi traversë.

10’ Egnatia nuk ndal sulmet duke kërkuar të gjejë sa më shpejt golin e avantazhit.

6’ Rama pason për Lushkjen i cili nga një pozicion i favorshëm çon sferën mbi traversë. (VIDEO)

2’ Ndreca nga e majta harkon në zonë, topi shkon jashtë, shumë afër kryqëzimit të shtyllave të portës kuksiane. (VIDEO)

1’ Nis ndeshja me shkelmimin nga qendra të skuadrës së Egnatias.

FORMACIONET ZYRTARE

EGNATIA: Dobjani, Malota, Xhemajli, Ndreca, Fangaj, Rama, Aleksi, Zejnullai, Ujka, Lushkja, Bakajoko.
Trajner: Edlir Tetova

KUKËSI: Dervishaj, Lamellari, Jusuf, Danaj, Dragoshi, Selita, Kapllanaj, Nasir, Metani, Hasaj, Beshiraj.
Trajner: Emiliano Çela

PANORAMASPORT.AL

NDIQE LIVE "PANORAMA TV"

---