Elbasani dhe Tirana e kanë mbyllur në barazim 1-1 ndeshjen e vlefshme për javën e 14-të të Superiores. Një barazim mes kaosit që prodhuan 15 minutat e para të pjesës së dytë, ndërsa asnjë nga skuadrat nuk duket se i mjafton pika e marrë.

Të dy golat erdhën në 45 minutat e dyta, ndërsa pjesa e parë nuk krijoi asnjë rast të veçantë. Tirana gjeti golin në fillim, por gjithçka u anulua pas rishikimit me VAR.

Ishte Elbasani që përfitoi, teksa u akordua 11-metërsh për aksionin para se të shënohej goli i bardhebluve. Hila e mori përsipër dhe e ktheu në gol në minutën e 57-të.

Sfida u hap dhe bardheblutë u hodhën përpara duke barazuar vetëm 6 minuta më vonë me Dembelen, i cili ishte harruar në zonën e Elbasanit.

Pas javës së 14-të, Elbasani mban vendin e pestë me 18 pikë, ndërsa Tirana ndjek në vendin e shtatë me 3 pikë më pak.

REZULTATI PËRFUNDIMTAR

ELBASANI 1-1 TIRANA

57′(p) Hila – 62′ Dembele

NGJARJET KRYESORE

90+8′ Mbyllet në barazim 1-1 ndeshja në Elbasan.

90+7′ Hakaj dhe Soler përplasen mes tyre në zonën e Tiranës. Akordohet faull për bardheblutë.

90+5′ Mici merr vendin e Haxhiut te Tirana.

90+1′ Karton i verdhë për Grecën.

90′ Akordohen 7 minuta shtesë.

90′ Greca merr vendin e Tsage tek Elbasani.

88′ Sërish Gjoni, i cili kësaj here ishte në pozicion të prirët dhe topi nuk rrezikon Selmani. (VIDEO)

87′ Gjoni nuk ia del të shënojë përballë Selmanit. Më pas anësori ndërhyn duke e konsideruar pozicion të parregullt. (VIDEO)

85′ Ndreca aktivizohet në vendin e Gjumsit te Tirana.

82′ Elbasani rrezikon autogolin, kontrollon gjithçka Abalora.

81′ Gjoni merr vendin e Lleshit tek Elbasani.

79 Fillimisht Lleshi në zonë dhe më pas Lajthia nga jashtë, provojnë të mposhtin Selmanin. Dembele ndërpret topin e goditur nga Lleshi, ndërsa sfera e goditur nga Lajthia përfundon mbi tra. (VIDEO)

76′ Tirana shfaqet kërkuese në mesfushën e verdhebluve. Topi i goditur prej Përgjonit me kokë përfundon jashtë, ndërsa kapiteni i Tiranës pretendon për devijim. (VIDEO)

75′ Jordi Jaku merr vendin e Jonuzit te Tirana.

73’ Lajthia provon me një diagonale në zonë. Është përgjoni që devijon topin në goditje këndi. (VIDEO)

67′ Përgjoni ndëshkohet me karton të verdhë nga Tirana.

62′ GOOOL! Dembele, i harruar, barazon sfidën pasi u ekzekutua një goditje këndi. Festë bardheblu, ndërsa ka përplasje te stolet përkatëse. Guranjaku dhe Dervishi largohen me karton të kuq nga Ferataj. (VIDEO)

62′ Abalora largon në goditje këndi pas një krosimi të rrezikshëm nga goditja e dënimit të bardhebluve. (VIDEO)

57′ GOOOL! Hila mposht Selmanin nga penalltia. (VIDEO)

49′-57′ Rast i rrallë. Ferataj pasi ka parë rastin me VAR, vendos të anulojë golin e Tiranës dhe akordon penallti për Elbasanin dhe karton të verdhë ndaj Kolës. (VIDEO) + (VIDEO)

49′ Shënon Tirana me Gjumsin, por duhet pritur pasi rasti i mëparshëm në zonën e Tiranës po rishikohet me VAR. (VIDEO)

49′ Lleshi pretendon për penallti kundër Tiranës, Ferataj vazhdon lojën. (VIDEO)

46′ Nis pjesa e dytë

45+4′ Mbyllet pjesa e parë 0-0.

45+2′ Hila ndëshkohet me karton të verdhë pas ndërhyrjes së gabuar dhe humbet ndeshjen e radhës.

45′ Akordohen 3 minuta shtesë.

44′ Zbret Elbasani dhe në fund është Hila që godet. Topi devijohet dhe përfundon në këndore. (VIDEO)

42’ Jonuzi kërkon shtyllën e dytë. Topi përfundon larg portës së mbrojtur nga Abalora dhe mesfushori i Tiranës nuk i fsheh pakënaqësitë. (VIDEO)

41′ Asnjë rast i krijuar këto minuta, si Elbasani dhe Tirana tregohen të kujdesshme në mesfushën e tyre.

36′ Skuadrat nuk përbëjnë rrezikshmëri. Elbasani tregohet më dominues në fushë.

31’ Një rast i mirë për Elbasanin. Tsage rrëzohet në zonë, ndërsa Dembele largon topin. (VIDEO)

29′ Leo Melo merr vendin e Hasanit tek Elbasani.

23’ Është Hila, ish-lojtar i Tiranës, që tenton të gjejë golin për Elbasanin. Topi largohet nga mbrojtja e Tiranës, që tregohet e vëmendëshme. (VIDEO)

20’ Kola provon me kokë pas harkimit nga këndorja. Topi përfundon jashtë, ndërsa Abalora i tërheq vëmendjen skuadrës së tij. (VIDEO)

17’ Lleshi i shkon pranë golit, por është Selmani që nuk kalohet. Ishte gabimi i Kolës fillimisht, i cili pretendon se kishte faull në dëm të tij. (VIDEO)

14’ Elbasani qarkullon topin në mesfushën e tij.

12’ Faull i fituar nga Gjumsi. Ismajli merr përsipër të harkojë në zonë, por portieri Abalora kontrollon pa probleme.

10’ Nervozizëm mes Lajthisë dhe Soler. Kryesori Ferataj i këshillon të dy.

5’ Elbasani provon të krijojë rrezikshmëri në zonën e Tiranës. Është Tsage që godet në fund, teksa topi përfundon jashtë. (VIDEO)

1′ Nis ndeshja në “Elbasan Arena”.

Mbahet 1 minutë heshtje për ndarjen nga jeta të Martin Canit, ish-futbollist i Dinamos U-15.

FORMACIONET ZYRTARE

ELBASANI: Abalora, Lulaj, Lajthia, Hakaj, Lila, K.Kasa, Qose, Hila, Hasani, Lleshi, Tsague.
Trajner: Roberto Bordin

TIRANA: Selmani, Dembele, Kola, Përgjoni, Ismajli, Soler, Isuf, Jonuzi, Gjumsi, Haxhiu, Zharmuni.
Trajner: Gugash Magani

PANORAMASPORT.AL

NDIQE LIVE "PANORAMA TV"

---