Interi mposhti mbrëmjen e sotme me rezultatin 3-2, Torinon në duelin e vlefshëm për javën e shtatë të Serisë A. Zikaltrit e Simone Inzagit iu falën tripletës së Markus Turam, i cili ishte dhe njeriu i ndeshjes.  

 

Francezi spikati në këtë duel, duke marrë përdore kampionët e Serisë A, që regjistruan triumfin e dytë radhazi. Pjesa e parë prodhoi plot 3 gola. Në minutën e 20-të, miqtë ngelën me 10 lojtarë pas daljes me karton të kuq të Maripan. 

Pesë minuta më pas ishte radha e Turam për të zhbllokuar sfidën. Ndërkohë në minutën e 35-të, sulmuesi shënoi golin e dytë personal, ndërkohë që Torino, edhe pse me 10 lojtarë, iu kundërpërgjigj me Zapatën që ngushtoi shifrat në 2-1. 

Fragmenti i dytë prodhoi edhe 2 gola të tjerë, në minutën e 60-të, Turam kompletoi tripletën personale, gjithsesi miqtë nga Torino nuk u dorëzuan, duke shënuar në minutën e 86-të me Vlasiç që realizoi nga pika e bardhë e penalltisë, por vetëm kaq, pas në fund ishin interistët që festuan këtë 3 pikësh.  

Falë këtij triumfi, Interi u ngjit në kuotën e 14 pikëve në 7 javë, duke i ushtruar presion kryesuesve të Napolit që kanë 2 pikë më shumë. Duelin e radhës Interi e luan në transfertë ndaj Romës.  

FT

INTER  3-2 TORINO
20′, 36′. 60′  Turam / 36′ Zapata, 86′ Vlasiç (p)

GOLI I VLASIÇ ME PENALLTI: (VIDEO) 

GOLI I TRETË I TURAM: (VIDEO) 

GOLI I ZAPATËS (VIDEO)

GOLI I DYTE I TURAM (VIDEO)

GOLI I TURAM (VIDEO)

FORMACIONET ZYRTARE

INTER (3-5-2): Zomer; Bisek, Açerbi, Bastoni; Darmian, Fratezi, Çalhanollu, Mkhitarjan, Dimarko; Turam, Lautaro Martinez.

TORINO (3-5-2): Milinkoviç-Saviç; Valukievic, Koko, Marian; Lazaro, Gineitis, Riçi, Lineti, Pedersen; Zapata, Adams.

PANORAMASPORT.AL

NDIQE LIVE "PANORAMA TV"

---