Alen Sherri ka luajtur për ndeshjen e tretë radhazi në Serinë A si titullar me Kaljarin dhe pas dy barazimeve radhazi të skuadrës së tij, ka ardhur edhe fitorja për portierin shqiptar i cili zbarkoi në këtë edicion në elitën e futbollit italian.

Kaljari luante sot përballë një kundërshtari direkt për mbijetesën, Veronës, në një ndeshje shumë të tensionuar ky dy skuadrat u përpoqën më shumë që të mos gabonin. Sherri kishte pak punë në këtë sfidë, ndërsa në një moment ishte edhe me fat, i ndihmuar nga traversa.

Gjithsesi, sfida u vendos nga goli i Pikolit në pjesën e dytë, teksa mjaftoi për t’i dhënë suksesin 1-0 skuadrës së ishullorëve të cilët krijuan një distancë të vogël sigurie nga zona e ftohtë e klasifikimit.

KALJARI-VERONA 1-0

75′ Pikoli

Goli i Pikoli (VIDEO)

FORMACIONET ZYRTARE

Kaljari: Sherri; Augelo, Luperto, Lapadula, Marin, Xortea, Mina, Zapa, Makumbu, Luvumbo, Pikoli.

Trajner: Davide Nikola

Verona: Montipo, Tçatçua, Manjani, Kopola, Bradariç, Suslov, Serdar, Dani Silva, Lazoviç, Livramento, Tengstedt

Trajner: Zaneti

PANORAMASPORT.AL

NDIQE LIVE "PANORAMA TV"

---