Ndeshjet e fundit të vitit 2024 në Kategorinë e Parë kanë dhuruar rezultate surprizë, të cilat kanë bërë që lufta për ngjitjen të mbetet plotësisht e hapur. Dy skuadrat pretendente për ngjitjen, Vora kryesuese dhe Besa që e ndiqte, janë ndalur në ndeshjet përkatëse ndaj Pogradecit dhe Apolonisë.

Vora iu afrua shumë fitores në Pogradec, falë golit të Ruzgis në pjesën e dytë, por Beçka në minutën e 89-të barazoi shifrat për barazimin 1-1.

Ndërkohë, bomberi Maksuti dhe në shtesë Umijego, i dhanë fitoren 2-0 Apolonisë në transfertë përballë Besës, duke i dhënë fierakëve pak frymëmarrje në këtë pjesë të sezonit.

Në ndeshjen tjetër të luajtur sot, Kastrioti mundi 2-1 Erzenin dhe i dha fund serisë prej 3 humbjesh radhazi, duke konsoliduar pozitat në zonë e play-off.

REZULTATET

Pogradeci 1-1 Vora

89’ Beçka / 74′ Ruzgis

Goli i Beçkës (VIDEO)

Goli i Ruzgis (VIDEO)

51′ Rast i humbur nga Pogradeci. (VIDEO)

Kastrioti 2-1 Erzeni
2′ Ajazi, 84′ Hoxha – 22′ Bespallov

Besa 0-2 Apolonia
75′ Maksuti, 90’+5′ Umijego

Goli i Umijego (VIDEO)

Goli i Maksutit (VIDEO)

10′ Bajramaj akordoi penallti fillimisht për Apoloninë, ky vendim ndryshoi pasi u dha më pas faull në sulm nga fierakët ndaj Besës. (VIDEO)

PANORAMASPORT.AL

NDIQE LIVE "PANORAMA TV"

---