Bylisi ka mposhtur Laçin në transfertë me shifrat 3-0, duke bërë nëj hap të rëndësishëm në renditje. Kjo është fitorja e dytë radhazi në kampionat për ballshiotët pas asaj me Dinamon në javën e shkuar.

Dueli u zhbllokua në minutën e 25-të me Berko ndërsa në minutën e 61-të ai plotësoi dygolëshin personal. Sfida u vulos me golin e Peraltës në minutën e 76-të.

Me këtë fitore skuadra e Dedes i largohet zonës së ftohtë ndërsa bardhezinjtë mbeten në vendin e 8-të.

LAÇI 0-3 BYLIS

25′, 61′ Berko, 76′ Peralta

NGJARJET KRYESORE

90’+5’ Mbyllet ndeshja me fitoren 3-0 të Bylisit.

90’+1’ Uallison është i ndëshkuari i radhës me karton të verdhë.

90′ Jepen 5 minuta shtesë.

88’ Përndreca merr vendin e Bruno në radhët e Bylisit.

86′ Hasanbelli ndëshkohet me të verdhë për vonesa loje.

85′ Kurbinasit kërkojnë penallti, Hamiti konsultohet me VAR dhe nuk vlen vijimi i aksionit për shkak të pozicionit jashtë loje. (VIDEO)

84′ Manellari shpërdoron një rast të mirë për bardhezinjtë. (VIDEO)

81′ Tre zëvendësime te Bylisi! Largohen Abazaj, Përgjoni dhe Berko në lojë futen Ilieski, Ualison dhe Gjata.

79′ Ndërhyn ndaj Kamara, Taleb ndëshkohet me karton të verdhë.

77′ Largohen Tresa dhe Kofi, zëvendësohen nga Taleb dhe Ajazi.

76′ GOOOL BYLIS 0-3/ Peralta gjuan me të majtën duke tundur rrjetën e portierit Molla. (VIDEO)

75′ Minuta të qeta, lojtarët qarkullojnë topin në fushë.

64′ Sulovari aktivizohet në lojë në vend të Ruçit.

63′ Cena lë fushën për Bibon.

62′ Largohet Bullari, Boçka futet në lojë.

61′ GOOOL BYLIS 0-2/ Berko nuk fal para portës, përfiton nga gabimi i mbrojtjes dhe dyfishon shifrat. (VIDEO)

57′ Paulo Silva lë fushën, ka minuta për Konate.

56′ Kurbinasit nuk arrijnë të përfitojnë nga rrëmuja në zonë. (VIDEO)

47′ Traore merr karton të verdhë pasi shkakton faull në sulm kundër Abazaj.

46′ Nis pjesa e dytë pa ndryshime!

45+2′ Mbyllet pjesa e parë me avantazhin e Bylisit, 0-1. 

45+1′ Kundërsulm i kurbinasve. Tresa inicion gjithçka, ndërsa pason më pas për Traore. Ky i fundit krijon hapësirë dhe tenton nga jashtë zone. Sfera përfundon jashtë. (VIDEO)

45′ Akordohen 2 minuta shtesë.

40′ Goditje e dobët nga Përgjoni në zonë. Molla kontrollon pa problem. (VIDEO)

38′ Manellari humbet një top në mesfushën e Laçit. Është po ai që korrigjon.

35′ Karton i verdhë për Markun te Bylisi, pasi shkakton faull ndaj Traore.

33’ Hasanbelli bën shpëtimtarin te Bylis. Portieri i miqve ndalon Traoren, që po shkonte rrezikshëm drejt portës pasi kishte fituar një dylyftim. (VIDEO)

30′ Molla i mohon ballshiotëve golin e dytë. Fillimisht pret goditjen e Peraltës dhe më pas të Kamara. (VIDEO)

25’ GOOOL! Laçi 0-1 Bylis/ Berko mposht portierin Molla. Fillimisht anësori prish festën për pozicion jashtë loje, por VAR ndërhyn dhe akordon golin si të rregullt. (VIDEO)

22’ Shtyllë e Silvës. Lojtari i Laçit pafat, pasi godet me kokë në zonë. Vendasit diktojnë lojën. (VIDEO)

20’ Laçi i afrohet golit, por është Hasanbelli që i thotë jo Traores. Sulmuesi i Laçit goditi me kokë dhe topi u devijua në këndore. (VIDEO)

15′ Kamara provon të majtën potente nga goditja standarte, topi shkon në duart e portierit Molla. (VIDEO)

7′ De Souza merr karton të verdhë pas një ndërhyrje të gabuar ndaj Kofi.

6′ Traore merr një top të gjatë dhe tenton të godasë, Hasanbelli tregohet i vëmendshëm dhe del përpara. (VIDEO)

5′ Laçi nis me kundërsulm, Kofi gjuan me të majtën por Hasanbelli bën një pritje të mirë. (VIDEO)

4′ Përgjoni gjuan me të majtën nga jashtë zone, topi shkon mbi traversë. (VIDEO)

1′ Mbahet 1 minutë heshtje për ndarjen nga jeta të Sabah Bizit dhe më pas nis ndeshja në Laç.

FORMACIONET ZYRTARE

Laçi: Molla, Kofi, Silva, Lleshi, Cena, Manellari, Prodani, Opeh, Tresa, Bullari, Traore

Trajner: Françesko Moriero

Bylis: Hasanbelli, De Souza, Kamara, Ruçi, Malomo, Ofori, Berko, Marku, Peralta, Përgjoni, Abazaj

Trajner: Nevil Dede

PANORAMASPORT.AL

NDIQE LIVE "PANORAMA TV"

---