Laçi e ka mbyllur vitin 2024 në mënyrën më të mirë të mundshme, pasi ka mposhtur rivalët direkt për mbijetesë të Tiranës dhe është larguar nga zona e ftohtë e klasifikimit.

Bardheblutë kanë dominuar në pjesën e parë të sfidës, duke zhvilluar një lojë më të mirë dhe duke gjetur edhe golin me anë të Ndrecës. Por në startin e pjesës së dytë, kurbinasit i goditën dy herë shpejt me Melon, e më pas ishte Traore ai i cili vulosi shifrat 3-1 të cilat nuk ndryshuan deri në fundin e sfidës.

Kësisoj, Laçi e sheh përsëri veten jashtë zonës së ftohtë të klasifikimit, teksa mban tani vendin e 7, ndërsa Tirana ka rënë përkohësisht në vendin e 8 dhe mund të thuhet me plot gojë se është tashmë e përfshirë në luftën për mbijetesë.

LAÇI 3-1 TIRANA

47′, 51′ Melo, 60′ Traore – 40′ Ndreca

NGJARJET KRYESORE

90’+6’ Ndeshja mbyllet me fitoren 3-1 të Laçit.

90’+5’ Taleb dhe Bibo hyjnë në fushë në vend të Bullarit dhe Manellarit.

90’+2’ Dembele tenton me kokë në zonën e Laçit, Dajsinani mbërthen sferën.

90’+1’ Tension në fushë në momentet e fundit, Kola dhe Cena ndëshkohen me karton të verdhë. (VIDEO)

90’ Jepen 5 minuta shtesë.

89’ Cena merr vendin e Melos në radhët e Laçit.

79’ Marku merr vendin e Jakut në radhët e Tiranës në minutat e fundit të kësaj ndeshje.

78’ Dajsinani nuk kalohet, gardiani i Laçit tregohet i vëmendshëm. Bardheblutë provojnë të ngushtojnë shifrat.

76’ Laçi shfaqet sërish rrezikshëm. Tirana lë shumë hapësira në prapavijë, po për fat të bardhebluve vendasit, vendasit nuk shfrytëzojnë si duhet. (VIDEO)

75’ Opeh ndëshkohet me karton të verdhë për faull ndaj Përgjonit.

75’ Selmani pret topin e goditur nga Bullari. Pas përfundimit të aksionit, akordohet pozicion jashtë loje. (VIDEO)

65′ Bajroviç merr vendin e Prengajt te Tirana.

64′ Tenton Ndreca me goditje nga brenda zone, por sfera kontrollohet pa problem nga Dajsinani.

60′ GOOOL! Sërish Laçi, ndërsa këtë herë është Traore që mposht Selmanin. (VIDEO)

51′ GOOOL! Melo përmbys gjithçka, bardheblutë në shok pas fillimit të pjesës së dytë. (VIDEO)

49′ Te Laçi humbasin mundësinë e përmbysjes së rezultatit. (VIDEO)

47’ GOOOL! Melo, ish-lojtari i Partizanit, tund rrjetën e bardhebluve me një goditje që befason Selmanin. Sfida barazohet 1-1. (VIDEO)

46′ Kryeziu merr vendin e Papës.

45+3′ Mbyllet pjesa e parë me rezultatin 0-1 për Tiranën.

45+1′ Kola shpërdoron një rast të artë për dyfishimin. Mbrojtësi i Tiranës dërgon topin jashtë. (VIDEO)

45′ Akordohen 3 minuta shtesë.

44′ Traore merr vendin e Kofi te Laçi.

41′ Te Laçi pretendojnë për penallti, Grimci vazhdon lojën. (VIDEO)

40’ GOOOL! Tirana kalon në avantazh me anë të Ndrecës. Ky i fundit pason për Ismajlin fillimisht. Mbrojtësi nis një top për Prengajn në të majtë. Sulmuesi i bardhebluve kroson ulët për Ndrecën, që shfrytëzon në maksimum pasimin duke mposhtur Dajsinanin. (VIDEO)

34′ Karton i verdhë për Papën pas ndërhyrjes ndaj Soler.

31′ Tentativa e Prengajt që përfundon jashtë nuk pritet aspak mirë nga Magani. Trajneri bardheblu kritikon me tone të larta nga stoli.

30′ Karton i verdhër për Soler, që proteston.

28′ Sfidë mjaft e luftuar nga dy skuadrat. Prodani ndëshkohet me karton të verdhë pas ndërhyrjes ndaj Kolës. (VIDEO)

24′ Selmani lexon krosimin e Mjakit. Kështu nuk i lejon mundësinë Bullarit te Laçi për të krijuar diçka. (VIDEO)

23′ Sfidë e luftuar në mesfushën e Laçit, ndërsa miqtë duket se kanë fituar metra. Sfida ka ritëm

19’ Ndreca lëshon goditjen e parë drejt portës. Selmani kontrollon topin.

15′ Probleme për Soler, i cili ka nevojë për ndihmën e stafit mjekësor. Më parë Papa shkaktoi ndaj tij faull. (VIDEO)

12′ Goditja e dytë e këndit për Tiranën. Kurbinasit largojnë rrezikun pasi lojtarët bardheblu po tentonin të gjenin hapësira për golin. (VIDEO)

11’ Aksion i rrezikshëm nga Tirana në krahun e djathtë të sulmit. Bardheblutë gabojnë te pasimi i fundit, pasi janë futur në zonë.

3’ Te Tirana kërkojnë penallti për top të prekur me dorë nga Prodani. Grimci vijon lojën.

3’ Pasim i shkurtër nga Përgjoni për Prengajn. Ky i fundit godet nga jashtë zone, topi devijohet në këndore. (VIDEO)

1′ Nis ndeshja në Laç.

FORMACIONET ZYRTARE

LAÇI: Dajsinani, Lleshi, Prodani, Kristian, Mjaki, Papa, Opeh, Manellari, Kordeiro, Kofi, Bullari

Trajner: Françesko Moriero

TIRANA: Selmani, Përgjoni, Dembele, Kola, Haxhiu, Ismajli, Jaku, Soler, Prengaj, Ndreca, Abah

Trajner: Gugash Magani

PANORAMASPORT.AL

NDIQE LIVE "PANORAMA TV"

---