Lacio dhe Atalanta kanë dhuruar një ndeshje shumë emocionuese në sfidën e kësaj jave të fundit të vitit 2024 në Serinë A, të mbyllur me barazimin dramatik 1-1 në “Olimpico”.  

Lacialët, edhe pse me shumë mungesa për shkak dëmtimesh, treguan se janë një kockë e fortë për çdo kundërshtar, duke kërkuar me ngulm golin dhe duke e gjetur atë me Dele Bashiru në pjesën e parë.

Më pas, ishin bergamaskët të cilët diktuan ritmin, duke krijuar raste të shumta para portës, ndonëse edhe rrezikuan në prapavijë nga kundërsulmet e vendasve. Gasperini çoi skuadrën të gjithën në sulm në minutat e fundit dhe gjeti zëvendësimin e duhur me Breshianinin, i cili barazoi rezultatin kur regjistrohej minuta e 88-të.

Shifrat nuk ndryshuan më deri në fund dhe barazimi 1-1 mbajti Atalantën 1 pikë para Interit në kreun e Serisë A, por ndali ecurinë rekord prej 11 fitoreve radhazi të zikaltërve.

LACIO-ATALANTA 1-1
27′ Dele Bashiru / 88′ Breshianini 

GOLI I BRESHIANINI (VIDEO)

Lukman gabon para portës (VIDEO)

Kuadrado gjen rrjetën e jashtme (VIDEO)

GOLI I DELE BASHIRU (VIDEO)

Guenduzi godet shtyllën (VIDEO)

FORMACIONET ZYRTARE

LACIO (4-3-3): Provedel; Marusiç, Gila, Romanjoli, Tavares; Guenduzi, Rovela, Dele-Bashiru; Tçauna, Kastejanos, Zakanji
Trajner: Marko Baroni

ATALANTA (3-4-1-2): Karneseki; Gjimshiti, Hien, Kolasinaç; Belanova, De Ron, Ederson, Zapakosta; Pasaliç; De Ketelare, Lukman
Trajner: Xhian Piero Gasperini

PANORAMASPORT.AL

NDIQE LIVE "PANORAMA TV"

---