Milani nuk ka shkuar më shumë se një barazim pa gola ndaj Xhenoas në ndeshjen e sotme në “San Siro” që duhej të ishte një festë e mirëfilltë për 125-vjetorin e klubit.

Por ashtu si në shumë ndeshje të tjera të këtij sezoni, loja e Milanit ishte shumë e lexueshme dhe skuadra kundërshtare e cila aktualisht lufton për t’iu larguar zonës së ftohtë të renditjes, ia doli të kontrollonte pa shumë mund ofensivën e vendasve.

Kështu, sfida u mbyll me barazimin 0-0 që lë Milanin shumë larg zonës së Ligës së Kampioneve dhe çdo pretendimi që kanë kuqezinjtë për t’u bërë protagonistë në luftën për titull.

FORMACIONET ZYRTARE

Milani: Menja; Rojal, Çau, Gabia, Himenez; Fofana, Reijnders, Çukueze, Liberali, Leao; Abraham

Trajner: Fonseka

Xhenoa: Leali, Voljako, Bani, Vaskez, Martin; Torsbi, Balelj, Frendrup; Zanoli, Pinamonti, Mireti

Trajner: Vieira

PANORAMASPORT.AL

NDIQE LIVE "PANORAMA TV"

---