Derbi i kryeqytetit mes Partizanit dhe Dinamos është mbyllur me një barazim dramatik 1-1.

Sfida ka qenë shumë e luftuar, por me Dinamon që ishte më kërkuese në ndjekje të golit, të cilin e gjeti me anë të Mandelës vetëm në fraksionin e dytë të lojës. Dinamo më pas dukej në kontroll dhe Partizani nuk ishte aq kërkues para Teqjes, i cili kaloi pjesën më të madhe të ndeshjes si spektator.

Por pikërisht në shtesën e takimit, një devijim me kokë i Bintsuka solli edhe barazimin1-1 që nuk i lejon asnjë prej skuadrave të shkëputen në kreun e klasifikimit duke mbajtur situatën mes tyre të pandryshuar.

PARTIZANI 1-1 DINAMO
90’+2′ Bintsuka / 50′ Mandela

NGJARJET KRYESORE

90’+6’ Mbyllet ndeshja me barazimin 1-1.

90’+4’ Të kuqtë pretendojnë për penallti për një ndërhyrje të Alijit ndaj Zekës, gjyqtari lë lojën të vazhdojë. Edhe VAR mban vendimin e fushës. (VIDEO)

90’+3’ Jonuzi ndëshkohet me karton të verdhë për një faull në mesfushë.

90’+2’ Jonuzi dhe Vila hyjnë në fushë në vend të Bregut dhe Qefaliajt në radhët e Dinamos.

90’+2’ Bintsuka merr të verdhë pasi hoqi fanellën gjatë festimit të golit.

90’+2’ GOOOL PARTIZANI! Harkim i Janjevës nga e djathta, Bintsuka me kokë mposht Teqjen. (VIDEO)

90’ Jepen 5 minuta shtesë.

90′ Aliji ndëshkohet me të verdhë për vonesa loje.

87’ Guxhufi merr vendin e Taipit te Partizani në minutat e fundit.

85’ Lorran harkon një goditje këndi, Qirko me vështirësi çon topin përsëri në këndore. (VIDEO)

83’ Bregu ekzekuton një goditje dënimi nga e djathta, Mandela në zonë nuk ia del të gjejë hapësirën për të gjuajtur rrezikshëm drejt portës.

80’ Meksi harkon nga e djathta e sulmit, askush nuk është në zonë për të devijuar drejt portës.

77’ Nani i lë vendin në fushë Maliqit në radhët e Dinamos.

75’ Buxhelaj dhe Mando hyjnë në fushë në vend të Bytyçit dhe Kekos te Partizani.

73’ Një goditje dënimi harkohet nga Taipi nga e djathta, Preka me kokë nuk ia del të kthejë sferën drejt portës.

67’ Një harkim nga e majta e sulmit të Partizanit devijohet me kokë nga Hoxha i cili për pak rrezikon autogolin. (VIDEO)

65’ Mandela shfaqet përsëri rrezikshëm në zonë, gjuajtja e tij ndalet nga Qirko këtë radhë. (VIDEO)

64’ Zeka ndëshkohet me karton të verdhë për një faull ndaj Lorran.

60’ Padstrelau i lë vendin në fushë Zekës në radhët e Partizanit.

59’ Një harkim në zonë nga e majta i Taipit nuk gjen devijimin e Bintsuka me kokë në qendër.

54’ Taipi tenton një harkim që kthehet në gjuajtje drejt portës së bluve, Teqja e devijon mbi traversë në këndore.

50’ GOOOL DINAMO! Mandela merr një pasim në të majtën dhe lëshon një gjuajtje të fortë me të majtën, duke mposhtur Qirkon. (VIDEO)

46’ Janjeva provon nga jashtë zonës, topi nuk gjen portën e Dinamos.

46’ Nuk ka lëvizje te dy skuadrat, nis pjesa e dytë e takimit.

45’+2’ Mbyllet pa gola pjesa e parë.

45’+2’ Keko fiton topin para zonës kundërshtare, pason për Bintsuka i cili gjen hapësirë dhe gjuan, por pa shënjestrën e duhur duke çuar sferën jashtë. (VIDEO)

45′ Jepen 2 minuta shtesë.

43’ Nani nga e djathta harkon në zonë, sfera shkon direkt në duart e Qirkos.

32’ Aliji nuk kuptohet me Gudiabi dhe i dhuron topin Taipit i cili nga një pozicion i favorshëm fluturon sferën mbi traversë. (VIDEO)

31’ Zabërgja nga e djathta depërton në zonën kundërshtare dhe pason në qendër, sfera kalon pasqyrën e portës pa u devijuar nga askush. (VIDEO)

26’ Bytyçi është i ndëshkuari i parë me karton të verdhë në këtë ndeshje.

22’ Keko ul topin për Bintsuka në zonë, me sulmuesin i cili rrotullohet dhe gjuan fluturimthi, pa gjetur portën kundërshtare. (VIDEO)

16’ Gudiabi provon port1%n nga distanca, Qirko grushton dhe ndal rrezikun. (VIDEO)

12’ Aksion i gjatë me shumë pasime i Dinamos rreth zonës së Partizanit, por nuk gjen asnjë të çarë për të rrezikuar portën e të kuqve.

9’ Të kuqtë duken më kërkues në këto minuta të parë, teksa tentojnë të gjejnë një gol që do ua bënte më të thjeshtë vijimësinë e ndeshjes.

5’ Bytyçi nis një aksion interesant nga e majta, pason mbrapa për Shanajn i cili gjuan fort nga distanca por nuk gjen portën. (VIDEO)

1′ Nis ndeshja.

FORMACIONET ZYRTARE

PARTIZANI: Qirko, Janjeva, Preka, Sembene, Bytyçi, Ismaili, Shanaj, Taipi, Keko, Padstrelau, Bintsuka.

Trajner: Aleksandar Veselinoviç

DINAMO: Teqja, Hoxha, Aliji, Meksi, Lorran, Gudiabi, Qefalija, Bregu, Tiago, Zabërgja, Mandela.

Trajner: Ilir Daja

PANORAMASPORT.AL

NDIQE LIVE "PANORAMA TV"

---