Cikli i ri i Partizanit, që i ka dhënë lamtumirën disa prej emrave kryesorë të skuadrës gjatë merkatos së janarit, ka nisur me një barazim dramatik ndaj Skënderbeut të fundit të tabelës.

Në një sfidë pa shumë spektakël mes dy skuadrave, ishte Partizani që u shfaq më kërkues në pjesën e parë, teksa gjeti golin me Bintsuka në fundin e fraksionit të lojës.

Korçarët morën kontrollin e lojës në pjesën e dytë, teksa bënë disa lëvizje duke hedhur në fushë afrimet e reja, për të tentuar barazimin. Kur dukej se nuk do t’ia arrinin një gjëje të tillë, Nikaj gjeti devijimin e duhur në shtesën e ndeshjes, duke sigluar reuzlattain 1-1 që i jep një pikë të rëndësishme për moralin korçarëve, teksa frenon ekipin e Veselinoviç i cili nuk ia del të shkëputet në krye.

PARTIZANI-SKËNDERBEU 1-1
43′ Partizani / 90’+3′ Nikaj

NGJARJET KRYESORE

90’+5’ Mbyllet ndeshja me barazimin 1-1.

90’+3’ GOOOL SKËNDERBEU! Harkim i Shaqes nga e majta, Nikaj i merr kohën Buxhelajt dhe shënon në portën e Qirkos. (VIDEO)

90’ Jepen 4 minuta shtesë.

90’ Rabiu ndëshkohet me karton të verdhë.

80’ Mbetet në sulm Skënderbeu, ndërsa të kuqtë tashmë tentojnë vetëm topin e gjatë në kërkim të kundërsulmeve të Bintsuka.

76’ Padstrelau lë fushën në ndeshjen e debutimit, duke i bërë vend Kekos te Partizani.

74’ Në zhvillimin e një goditje këndi, Preka tenton të gjejë portën por pa shumë sukses. (VIDEO)

72’ Zeka provon me të majtën nga distanca, Alia devijon në goditje këndi. (VIDEO)

71’ Estrela gjuan nga distanca me të jashtmen, pa gjetur portën e Qirkos.

70’ Lukas nga e djathta nis topin në qendër ku Bismark me një gjuajtje të shpejtë kalon sferën mbi traversë duke shpërdoruar rastin e artë për barazimin. (VIDEO)

66’ Merr iniciativën Skënderbeu në këto minuta, duke tentuar barazimin.

60’ Janaqi, Merlim dhe Balaj lënë fushën e lojës për Estrela, Lukas dhe Nikajn në radhët e Skënderbeut.

54’ Taipi tenton me një goditje dënimi, Alia grushton në këndore. (VIDEO)

49’ Të kuqtë protestojnë për një prekje të topit me dorë në zonë nga Rashica, akordohet vetëm goditje këndi. (VIDEO)

47’ Shaqe harkon në zonë ku Balaj tenton gjuajtjen akrobatike, me shënjestrën plotësisht të gabuar.

46’ Pjesa e dytë nis me zëvendësim të dyfishtë, pasi Sembene dhe Shanaj hyjnë në fushë në vend të Domgjonit dhe Mehmetit.

45’+1’ Mbyllet pjesa e parë me avantazhin 1-0 të Partizanit.

45’ Jepet 1 minutë shtesë.

43’ GOOOL PARTIZANI! Zeka gjuan nga e djathta, Alia grushton por topi mbetet aty në zonë ku Bintsuka me kokë gjen golin e avantazhit. (VIDEO)

41’ Në vijimin e goditjes nga këndi, sfera shkon te Padstrelau, i cili gjuan shumë lart mbi traversë. (VIDEO)

40’ Taipi hyn në zonë dhe gjuan me të majtën, Alia grushton duke kaluar sferën jashtë. (VIDEO)

38’ Pas një goditje dënimi të harkuar nga Taipi, Bintsuka me kokë nuk gjen portën duke çuar sferën mbi traversë. (VIDEO)

37’ Dumfur ndëshkohet me karton të verdhë pas një faulli ndaj Bintsuka.

30’ Padstrelau nga e majta gjen hapësirë për të gjuajtur në shtyllën e dytë, me topin që shkon jashtë. (VIDEO)

28’ Pas një goditje dënimi, topi shkon te Mehmeti i cili provon një gjuajtje spektakolare, pa shënjestrën e duhur. (VIDEO)

21’ Rabiu tenton nga jashtë zonës, Qirko detyrohet të devijojë në këndore. (VIDEO)

20’ Rashica nga e majta tenton të gjejë shtyllën e dytë, harkimi i tij përfundon jashtë. (VIDEO)

16’ Buxhelaj depërton nga e majta dhe pason në qendër, por çon sferën në duart e portierit Alia.

11’ Bintsuka niset në kundërsulm i vetëm por gjuan jashtë para portierit Alia, ndërsa më pas sinjalizohet në pozicion jashtë loje. (VIDEO)

5’ Partizani tenton të zhvendosë lojën në gjysmëfushën kundërshtare, teksa kërkon të ndërtojë manovrën.

1′ Nis dueli në “Arenën e Demave”

FORMACIONET ZYRTARE

PARTIZANI: Qirko, Preka, Janjeva, Domgjoni, Buxhelaj, Mehmeti, Ismaili, Taipi, Zeka, Padstrelau, Bintsuka.

Trajner: Aleksandar Veselinoviç

SKËNDERBEU: Alia, Prençi, Rabiu, Doka, Dumfur, Janaqi, Shaqe, Merlim, Balaj, Rashica, Bismark.

Trajner: Ernest Gjoka

PANORAMASPORT.AL

NDIQE LIVE "PANORAMA TV"

---