Partizani ka parë t’i ikë nga duart fitorja në një fund dramatik të sfidës ndaj Teutës, duke u ndalur në shtëpi në barazimin 1-1 në ndeshjen e javës së 12 të Superiores.

Të kuqtë kishin gjetur avantazhin shpejt me Carën dhe thjesht po mundoheshin të administronin rezultatin në kërkim të golit të dytë me kundërsulme. Por gabimet e shumta para portës kundërshtare sollën pasoja, pasi Teuta në anën tjetër shtoi presionin dhe kërkoi me çdo mënyrë barazimin.

Ai erdhi në fund falë një penalltie të shkaktuar për një prekje topi me dorë në zonë nga Bytyçi, e para që jepet kundër të kuqve këtë sezon, me Llocin i cili nuk gaboi nga pika e bardhë, duke vulosur barazimin 1-1.

PARTIZANI-TEUTA 1-1
9′ Cara / 90’+5′ (p) Lloci

NGJARJET KRYESORE

90’+7’ Mbyllet ndeshja me barazimin 1-1.

90’+5’ GOOOL TEUTA! Shënon Lloci me penallti. (VIDEO)

90’+1’-90’+3’ Penallti për Teutën! Pas një gjuajtje të Arifit, sfera devijohet me dorë nga Bytyçi. Gjyqtari lë lojën të vazhdojë, por ftohet nga VAR-i ku risheh pamjet dhe jep penallti.(VIDEO)

90’+2’ Kotobelli dhe Beqja i lënë vendi nën fushë E. Peposhit dhe Kalajt.

90;’ Jepen 4 minuat shtesë.

90’ Pas një harkimi nga e majta, Nasr devijon dhe Qirko me një grushtim shpëton portën.

88’ Kruja lëshon një tjetër harkim në zonë ku Boçi provon me kokë por shumë lehtë pa shqetësuar Qirkon. (VIDEO)

86’ Bytyçi i dalë në ndihmë të sulmit gjuan nga e djathta, Tafas grushton. (VIDEO)

80’ Pas vijimit të një goditje këndi, Rrapaj tenton edhe një herë portën, i ndalur nga mbrojtësit që devijojnë në këndore.

79’ Tjetër kundërsulm i Rrapajt i cili në të majtën nuk ia del të pasojë në zonë dhe as të gjuajë siç duhet. (VIDEO)

77’ Rrapaj ka mundësi të artë të rrezikojë portën pas një kundërsulmi, teksa Mba i pason në zonë, por ai as gjuan e as nuk pason dhe i jep mundësinë mbrojtjes të largoje rrezikun.

76’ Bytyçi ndëshkohet me të verdhë për një faull ndaj Arifit.

75’ Cara në të majtën del në pozicion gjuajtje, tentativa e tij në shtyllën e parë ndalet nga Tafas. (VIDEO)

74’ Keko merr vendin e Zekës në radhët e Partizanit.

73’ Nasr i afrohet golit të barazimit, teksa gjuajtja e tij devijohet nga Sembene dhe kalon mbi traversë. (VIDEO)

70’ Rrapaj provon me një goditje dënimi ballore, sfera shkon jashtë pa shqetësuar Tafas. (VIDEO)

68’ Marku ndëshkohet me karton të verdhë për një faull ndaj Mba.

68’ Boçi hyn në fushë në vend të Peposhit te Teuta.

66’ Taipi i lë vendin Kotes në radhët e Partizanit.

61’ Aksion i shkëlqyer i Arifit në të majtën e sulmit, mesfushori depërton në zonë mes disa mbrojtësish por gjuajtja e tij ndalet vetëm në rrjetën e jashtme. (VIDEO)

59’ Arifi harkon një goditje këndi, Marku tenton me kokë por nuk gjen portën.

58’ Një goditje dënimi e Krujës ndalet nga Qirko i cili nis Carën në kundërsulm në të majtën, por të kuqtë nuk përfitojnë pasi pasimi i Carës për Mba ndalet nga Kruja i kthyer në prapavijë.

57’ Mingos i lë vendin në fushë Arifit në radhët e Teutës.

53’ Jazxhi pëson një të çarë në fytyrë dhe kërkon ndihmën e mjekëve duke lënë për disa çaste ekipin me një lojtar më pak.

51’ Një top në thellësi nxjerr Nasr të vetëm para Qirkos me sulmuesin që kalon sferën mbi portierin, por edhe mbi portën e të kuqve. Aksion bëhet i pavlefshëm për pozicion jashtë loje të sulmuesit. (VIDEO)

50’ Beqja provon nga jashtë zonës, Qirko pret pa shumë vështirësi goditjen e mesfushorit.

48’ Kruja harkon rrezikshëm nga e djathta Preka largon sferën me kokë para Nasr.

46’ Nis pjesa e dytë me zëvendësime nga të dy ekipet. Preknicaj merr vendin e Tomës te Teuta. Kurse në radhët e Partizanit është Mba dhe Shanaj të cilët hyjnë në fushë në vend të Bintsuka dhe Ismailit.

45’+7’ Mbyllet me shifrat 1-0 për Partizanin pjesa e parë.

45’+6’ Kotobelli ndëshkohet me karton të verdhë për protesta.

45’+3’ Pas një harkim në zonë, një goditje me kokë vë në prove reflekset e Qirkos i cili është i vëmendshëm. (VIDEO)

45’+2’ Tjetër pretendim i Teutës për penallti pas një kontakti në zonë të Peposhit i cili mbetet i shtrirë në tokë. Gjyqtari bën shenjë që loja të vazhdojë. (VIDEO)

45’ Jepen 5 minuta shtesë.

43’ Një tjetër top në zonë nga e djathta krijon panik në qendër të zonës së të kuqve, me Nasr e Tomën që nuk arrijnë të gjuajnë drejt portës.

41’ Kruja harkon në zonë për Nasr i cili gjuan me kokë, por pa forcën e duhur.

40’ Bintsuka ka pësuar një dëmtim te aksioni ku u përplas me Tafas. Lojtari mbahet në fushë për të pritur fundin e pjesës së parë e për të mos djegur zëvendësimin.

38’ Zeka shfaqet i vetëm në zonë në të djathtën, diagonalja e tij nuk gjen portën e durrsakëve.

35’ Bntsuka hyn në zonë pas një pasimi të mirë në të majtën. Tafas del me një ndërhyrje në këmbët e sulmuesit dhe largon sferën, të kuqtë kërkojnë penallti për faull ndaj sulmuesit. Por gjyqtari bën shenjë që loja të vazhdojë edhe pas shqyrtimit nga VAR-i. (VIDEO)

33’ Toma nga e djathta provon të gjejë portën, sfera devijohet në këndore.

31’ Aksion i shpejtë i Carës në të majtën, sulmuesi arrin fundoren por aty ndalet nga mbrojtja e durrsakëve.

30’ Bytyçi merr vendin e Hadrojt në fushën e lojës.

27’ Hadroj ulet në tokë për herën e dytë gjatë kësaj ndeshje dhe këtë radhë nuk mund të vazhdojë më dhe kërkon zëvendësim.

22’ Cara nis një pasim në qendër të zonës së Teutës, por asnjë nga shokët e skuadrës nuk kupton idenë e tij.

19’ Përsëri Rrapaj rrezikon portën e Teutës, me një diagonale nga e djathta që nuk befason Tafas.

17’ Pas zhvillimit të një goditje këndi, Taipi lëshon një gjuajtje të bukur nga distanca, Tafas grushton me një fluturim vendimtar. (VIDEO)

16’ Kundërsulm i shpejtë i Partizanit me dyshen Cara-Rrapaj, pasimi i mesfushorit drejt sulmuesit në zonë ndalet nga Jazxhi i cili çon topin në këndore.

9’ GOOOL PARTIZANI! Zeka jep pasim në të majtën për Carën i cili depërton vetë në zonë dhe me një diagonale mposht portierin Tafas. (VIDEO)

4’ Toma depërton në zonë në krahun e majtë, ka një ndërhyrje të Hadrojt e më pas sulmuesi përplaset me Sembene. Gjyqtari lë lojën të vazhdojë dhe VAR-i gjithashtu konfirmon që nuk ka penallti për rastin në fjalë. (VIDEO)

1’ Nis dueli në “Arenën e Demave”.

FORMACIONET ZYRTARE

PARTIZANI: Qirko, Preka, Sembene, Domgjonaj, Hadroj, Ismaili, Taipi, Rrapaj, Cara, Zeka, Bintsuka.
Trajner: Aleksandar Veselinoviç

TEUTA: Tafas, Marku, Jazxhi, Kotobelli, Kruja, A. Peposhi, Mingo, Beqja, Lloci, Toma, Nasr.
Trajner: Edi Martini

PANORAMASPORT.AL

NDIQE LIVE "PANORAMA TV"

---