Shqipëria U-21 ka mposhtur me rezultatin 4-0 skuadrën e Moldavisë U-21. Ky ishte takimi i dytë miqësor në stadiumin e Vorës, pasi i pari përfundoi barazim 1-1.

Njësoj si në takimin e parë, golin e zhbllokimit të sfidës e shënoi Rashica. Lojtari i Skënderbeut gjeti rrjetën në pjesën e parë.

Ndërkohë në të dytën ishte mbrojtësi Ismaili, që shënoi fillimisht golin e dytë. Gjithçka e vulosën para fundit Rama me golin e tretë dhe Daka atë të katërt.

Alban Bushi provoi në këto dy takime një grup të ri lojtarësh, që debutonin për herë të parë me Shpresat.

REZULTATI PËRFUNDIMTAR

SHQIPËRI U-21 4-0 MOLDAVI U-21

16′ Rashica, 54′ Ismaili, 88′ Rama, 90+3′ Daka

NGJARJET KRYESORE

90+4′ Mbyllet ndeshja me fitoren 4-0 të kuqezinjve.

90+3′ GOOOL! Daka shënon me kokë golin e katërt dhe të fundit. (VIDEO)

90+2′ Daka dhe Rama “falin” Moldavinë në tjetër rast të pastër për gol. (VIDEO)

90′ Akordohen 4 minuta shtesë.

89′ Tresa nuk shënon përballë portierit atë që do ishte goli i katërt. (VIDEO)

88′ GOOOL! Aksion i mrekullueshëm nga Shpresat. Daka pason për Masutin dhe më pas ky i fundit për Ramën, që shënon. (VIDEO)

83′ Gau merr vendin e Martin te Moldavia.

81′ Kote largohet për t’u futur Daka.

79′ Spektakolar Sina me dy pritjet e tij. Porta e kuqezinjve qëndron e paprekur. (VIDEO)

76′ Rasti i dytë i rrezikshëm nga ana e moldavëve për këtë takim, por fati është me kuqezinjtë. Topi goditur me kokë pas krosimit nga goditja e dënimit përfundon jashtë. (VIDEO)

76′ Karton i verdhë për Fikajn, që shkakton faull.

74′ Kote kroson sërish një këndore, ndërsa portieri nuk tregohet i sigurt në daljen e tij. Mbrojtja moldave ndihmon në pastrimin e zonës. (VIDEO)

74′ Çipi merr vendin e Ismailit, Tola të Kurtit dhe Alij tër Elezajt.

68′ Ritmi i kuqezinjve ka rënë disi pas disa zëvendësimeve.

63′ Dy zëvendësime nga Moldavia. Turka dhe Rotaru largohen për Cimasu dhe Bitlan.

61′ Ajvazi i lë vendin Tresës, Gudjufi zëvendësohet nga Tahiri dhe Dodaj nga Maksuti. Ndërkohë Haxhari merr vendin e Selimajt dhe Rama atë të Rashicës.

54’ GOOOL! Kote kroson si duhet nga këndorja dhe topi gjen të vetëm Ismailin në zonë. Mbrojtësi i qendrës tund për herën e dytë rrjetën e miqve. (VIDEO)

51′ Selimaj kërkon ndihmën e stafit mjekësor dhe vijon më pas lojën.

49’ Gudjufi pason për Koten dhe ky i fundit për Elezajn që lëshon një goditje nga jashtë zone. Topi grushtohet nga portieri moldav. (VIDEO)

48′ Bitka ndëshkohet me karton të verdhë.

46′ Nis pjesa e dytë në Vorë. Tri ndryshime nga lojtarët moldavë dhe asnjë te kuqezinjtë. Lupan, Lupasko dhe Paskaluta marrin vendin e Forov, Kostin dhe Luçita.

45+2′ Mbyllet pjesa e parë me rezultatin 1-0. 

45′ Akordohet një minutë shtesë.

45′ Pritet të ekzekutohet një goditje këndi, ndërsa ka tension në zonë. Moldavët pretenduan për penallti më parë. (VIDEO)

43′ Rashica shfaqet rrezikshëm brenda zonës, por Yzeiraj akordon për faull në sulm nga kapiteni i kuqezinjve. (VIDEO)

41′ Kote fiton goditje dënimi. Lojtari i Partizanit gjen bukur Gudjufin. Topi i pasuar prej lojtarit të Shkupit nuk shfrytëzohet si duhet dhe gjithçka pastrohet nga moldavët. (VIDEO)

31’ Lojtarët moldavë shfaqen rrezikshëm. Është portieri Sina që largon me këmbë, topin e goditur. (VIDEO)

30 Gjergji Kote bën çdo gjë mirë duke i pasuar Rashicës, që nuk koordinohet si duhet dhe topi përfundon larg portës së mbrojtur nga portieri moldav. (VIDEO)

25′ Karton i verdhë për Ismailin që shkaktoi faull taktik.

24′ Ajvazi vertikalizon për Rashicën. Sulmuesi i Skënderbeut nuk arrin si duhet topin dhe gjithçka kontrollohet nga portieri kundërshtar. (VIDEO)

23′ Kombinime nga lojtarë të Superiores. Është Rashica që niset në mesfushën kundërshtare dhe hedh një top për Koten. Mesfushori i Partizanit pason për Dodajn në zonë, ndërsa lojtari i Vllaznisë ndalet nga mbrojtja moldave. (VIDEO)

16′ GOOOL! Një aksion perfekt nga kuqezinjtë konkretizohet nga Rashica. Është Elezaj që lëviz bukur në mesfushë dhe kroson një top për Gudjufin. Ky i fundit gjen sulmuesin e Skënderbeut në zonë që nuk mund të gabojë. (VIDEO)

15′ Asnjë rast i rrezikshëm i krijuar nga dy skuadrat.

8′ Korne e krosuar nga Kote. Topi largohet nga mbrojtja moldave dhe pse Selimaj tenton të krijojë diçka. (VIDEO)

1′ Nis ndeshja miqësore në Vorë.

FORMACIONET ZYRTARE

SHQIPËRI U21: Sina, Selimaj, Fikaj, Kote, Gudjufi, Rashica, Dodaj, Ismaili, Kurti, Elezaj, Ajvazi

Trajner: Alban Bushi

MOLDAVI U21: Nazarkiue, Martin, Kolis, Dijinari, Bitka, Rotaru, Luçita, Forov, Turka, Kostin, Grosu

PANORAMASPORT.AL

NDIQE LIVE "PANORAMA TV"

---