Kategoria Superiore ka mbyllur vitin 2024 me ndeshjen e fundit të javës së 19, atë mes Teutës dhe Bylisit, që ka përfunduar me një barazim pa gola.

Skuadrat luftonin për fitoren që të shkonin pak më të qetë në pushimin e kampionatit dhe dëshira nuk mungoi, pasi dhuruan luftë sportive. Por as vendasit dhe as miqtë nuk ia dolën të tundin rrjetën në këtë duel, ku Hasanbelli nga një anë dhe Tafas në tjetrën u bënë vazhdimisht protagonistë.

Kësisoj, të dy ekipet u desh të kënaqeshin me nga një pikë, që nuk ndryshon pozitat e tyre në klasifikim, ndonëse tani ballshiotët kanë arritur Tiranën në kuotën e 18 pikëve.

TEUTA-BYLIS 0-0

NGJARJET KRYESORE

90’+5’ Mbyllet ndeshja me barazimin pa gola.

90’+3’ Uallison çon topin në rrjetë, por aksioni u bë i pavlefshëm për një faull në sulm të Ofori ndal portierit Tafas. (VIDEO)

90’+1’ Përgjoni nga e djathta merr fundoren, gjuajtja e tij në shtyllën e parë ndalet nga Tafas i vëmendshëm. (VIDEO)

90’ Jepen 5 minuta shtesë.

90’ Sulovari hyn në zonë dhe rrëzohet pas një kontakti, gjyqtari akordon faull në sulm. (VIDEO)

83’ Uallison provon me të majtën, Tafas grushton dhe Jazxhi largon rrezikun. (VIDEO)

82’ Demirçani hyn në fushë në vend të Boçit të dëmtuar te Teuta.

77’ Përgjoni nga e djathta gjen hapësirën për të pësuar në qendër, por Tafas me këmbë ndal gjithçka. (VIDEO)

74’ Peposhi nga e djathta lëshon një harkim drejt shtyllës së dytë, Hasanbelli mbërthen sferën.

73’ Berko dhe Ruçi i lënë vendin në fushë Uallison dhe Sulovarit te Bylisi.

69’ E. Peposhi merr vendin e Kotobellit në radhët e Teutës.

67’ Përndreca ndëshkohet me karton të verdhë.

65’ Berko i lë topin në zonë Gjatës i cili nga pak hapa gjuan në portë, por gjen përgjigjen vendimtare të Tafas (VIDEO).

64’ Lloci harkon në zonë për Boçin i cili gjuan me kokë, pro gjen përgjigjen e Hasanbelli. (VIDEO)

61’ Një goditje dënimi e harkuar në zonë sjell një devijim të Markut i cili thuajse shkakton autogol në portën e Bylisit. (VIDEO)

58’ Torraj dhe Toma i lënë vendin Arifit dhe Preknicajt te Teuta.

52’ Sulm i shpejtë i Bylisit nga e djathta, Berko pason në qendër për sfera devijohet dhe shkon në duart e Tafas.

50’ Bylisi ekzekuton një goditje dënimi nga e djathta me skemë, sfera shkon jashtë zonës te Malomo i cili gjuan në mënyrë shumë të gabuar mbi traversë.

46’ Nis pjesa e dytë pa ndryshime mes ekipeve.

45’+1’ Mbyllet pa gola pjesa e parë.

45’+1’ Tafas gabon largimin, Gjata merr topin dhe gjuan, por ndalet nga portieri. Sfera më pas shkon te Berko i cili nuk gjen portën e skuadrës durrsake. (VIDEO)

45′ Jepen 1 minutë shtesë.

42’ Harkime radhazi në zonën e Bylisit, Hasanbelli largon çdo top drejt katërkëndorit të tij. Në fund është Lloci i cili fluturon sferën mbi traversë. (VIDEO)

35’ Një harkim perfekt nga e djathta gjen Boçin në zonë, por gjuajtja e tij me kokë ndalet nga një fluturim i Hasanbelli i cili devijon sferën në këndore. (VIDEO)

32’ Torraj ndëshkohet me karton të verdhë pasi ndal një kundërsulm të rrezikshëm të Kamara.

25’ Kruja ekzekuton një goditje dënimi direkt në portë, Hasanbelli grushton sferën. (VIDEO)

24’ Kamara niset në një kundërsulm të shpejtë, gjuajtja e tij devijohet dhe ndalet në duart e Tafas. (VIDEO)

21’ Torraj harkon një goditje këndi, Hasanbelli grushton dhe largon rrezikun.

16’ Kruja nga e djathta merr topin në pozicion të favorshëm por vonohet në momentin e harkimit në zonë dhe humb mundësinë të rrezikojë.

7’ Këto minuta flasin më shumë për Teutën, e cila kërkon një gol të shpejtë duke zhvendosur gjithçka në gjysmëfushën kundërshtare.

3’ Një harkim në zonë i Krujës gjen Jazxhi, por gjuajtja me kokë e tij ndalet nga Hasanbelli.

1’ Nis dueli në “Niko Dovana”

FORMACIONET ZYRTARE

TEUTA: Tafas, Marku, Simeu, Jazxhi, Kotobelli, Kruja, Beqja, Lloci, Boçi, Torraj, Toma.
Trajner: Edi Martini

BYLIS: Hasanbelli, Ofori, Abazaj, Marku, Përgjoni, Kamara, Ruçi, Malomo, Berko, Përndreca, Gjata.
Trajner: Nevil Dede

PANORAMASPORT.AL

NDIQE LIVE "PANORAMA TV"

---