Teuta dhe Laçi kanë ndarë pikët në një barazim 1-1 argëtues në “Niko Dovana”, me të dy skuadrat që kanë krijuar shumë raste para portave.

Në një ndeshje mes dy skuadrave që luftonin për t’iu larguar fundit dhe bashkuar me grupin e skuadrave që luajnë për katërshen e parë, portat e Tafas dhe Dajsinanit janë vënë shpesh në vështirësi. Por rrjeta u tund vetëm dy herë, me Mjakin nga miqtë në pjesën e parë dhe Jazxhi për vendasit në të dytën.

Ndaj në fund, të dy ekipet u desh të kënaqen me barazimin 1-1, që nuk ndryshon shumë situatën e tyre në renditjen e Superiores ku mbeten të rrezikuar nga zona e ftohtë.

TEUTA-LAÇI 1-1
75′ Jazxhi / 30′ Mjaki

NGJARJET KRYESORE

90’+6’ Mbyllet dueli me barazimin 1-1.

90’+5’ Preknicaj ka mundësinë e artë për të shënuar me një kthesë në zonë, gjuajtja e tij ndalet nga Dajsinani. (VIDEO)

90’ Jepen 6 minuta shtesë.

88’ Pas një goditje këndi, është Prodani i cili tenton me kokë në shtyllën e parë, por gjen reagimin e Tafas. (VIDEO)

87’ Demirçani hyn në fushë në vend të Llocit në radhët e Teutës.

86’ Tresa i lë vendin Boçkës në radhët e Laçit.

84’ Prodani shmang Tafas por pastaj nuk ia del të gjuajë në portë. Aksioni bëhet i pavlefshëm për pozicion jashtë loje.

82’ Në ekzekutimin e një goditje dënimi nga e djathta, Jazxhi përsëri gjuan me kokë, këtë herë duke çuar sferën në duart e Dajsinanit. (VIDEO)

81’ Kryeziu ndëshkohet me karton të verdhë për një faull ndaj Arifit.

80’ Bibo dhe Kryeziu hyjnë në fushë në vend të Papës dhe Manellarit në radhët e Laçit.

75’ GOOOL TEUTA! Pas zhvillimit të një goditje dënimi, topi shkon te Jazxhi i cili gjuan me kokë dhe mposht Dajsinanin. U deshën katër minuta pritje nga VAR për të përcaktuar nëse goli ishte i rregullt. (VIDEO)

73’ Arifi gjen hapësirë për të gjuajtur, topi përfundon mbi traversën e portës kurbinase. (VIDEO)

72’ Preknicaj merr vendin e Torrajt në radhët e durrsakëve.

67’ Melo shfaqet i vetëm në zonë në të majtën, gjuajtja e tij gjen përgjigjen e Tafas të vëmendshëm. (VIDEO)

66’ Torraj ekzekuton një goditje dënimi ballore, sfera nuk gjen katërkëndorin e portës së kurbinasve.

65’ Lleshi ndëshkohet me karton të verdhë për një faull ndaj Boçit. (VIDEO)

60’ Kotobelli ndëshkohet me karton të verdhë.

59’ Arifi merr vendin e Tomës në radhët e Teutës.

58’ Kruja nga e djathta harkon në zonë, Nasr i vetëm me kokë gjuan jashtë. (VIDEO)

51’ Një tjetër gjuajtje me kokë në zonën e Laçit përfundon me topin mbi traversën e katërkëndorit të Dajsinanit. (VIDEO)

48’ Kofi shpërthen në zonë, në fund është Kotobelli i cili largon sferën në anësore. (VIDEO)

46’ Pjesa e dytë nis me zëvendësim te Teuta ku Boçi merr vendin e Mingos.

45’+3’ Mbyllet me avantazhin 1-0 për Laçin pjesa e parë e ndeshjes.

45’+2’ Prodani ndëshkohet me karton të verdhë pasi ndal në mënyrë të parregullt Tomën.

45’+1’ Një tjetër dalje e Tafas shmang një moment të rrezikshëm para portës së vendasve.

45’ Jepen 3 minuta shtesë.

45’ Dajsinani pret në pozicion një gjuajtje me kokë të Tomës pas një harkimi nga e djathta e sulmit të durrsakëve. (VIDEO)

38’ Tafas reagon përsëri pas një gjuajtje tjetër drejt portës së tij, duke mbërthyer sferën me një fluturim spektakolar.

35’ Mingos nis një top në thellësi, Jazxhi nuk devijon dot me kokë dhe topi shkon në duart e Dajsinanit.

34’ Tresa nga e djathta sheh Manellarin që i afrohet zonës dhe pason për mesfushorin, gjuajtja e të cilit është e pasaktë.

30’ GOOOL LAÇI! Sulm i shpejtë i kurbinasve, Kofi pason te Mjaki i cili gjuan dhe mposht Tafas. (VIDEO)

28’ Torraj ekzekuton një goditje dënimi, sfera shkon jashtë, jo shumë larg shtyllës në të djathtë të Dajsinanit. (VIDEO)

25’ Tresa nga e djathta hyn në zonë dhe lëshon një gjuajtje të fortë në shtyllën e parë, Tafas i përgjigjet duke grushtuar topin. (VIDEO)

19’ Manellari nis një top të shkëlqyer në zonë për Kofi, i cili nuk kalon dot Tafas. (VIDEO)

17’ Torraj ndëshkohet me karton të verdhë.

12’ Kofi para zonës vonohet dhe nuk gjuan në një pozicion të favorshëm, prapavija e Teutës i largon sferën nga këmbët.

10’ Tresa gjen Prodanin në zonë, gjuajtja e këtij të fundit me kokë nuk gjen portën.

8’ Një harkim nga e djathta gjen Llocin në zonë, gjuajtja e tij me kokë është e gabuar. (VIDEO)

6’ Pas një goditje këndi është Beqja i cili gjuan me kokë, duke çuar sferën mbi traversë. (VIDEO)

4’ Pas një goditje dënimi të Krujës, Dajsinani grushton por sfera shkon te Jazxhi i cili mundohet të shënojë në akrobaci, me sferën që shkon jashtë. (VIDEO)

2’ Një harkim nga e majta e sulmit sjellë rrezik në portën kurbinase pas një devijimi që thuajse shkakton autogol por Dajsinani është i vëmendshëm.

1’ Nis dueli në “Niko Dovana”.

FORMACIONET ZYRTARE

Teuta: Tafas, Jazxhi, A. Marku, Kotobelli, Kruja, Beqja, Lloci, Mingo, Torraj, Nasr, Toma

Trajner: Edi Martini

Laçi: Dajsinani, Mjaki, Kurti, Kristian, Prodani, Lleshi, Manellari, Papa, Tresa, Melo, Kuame

Trajner: Françesko Moriero

PANORAMASPORT.AL

NDIQE LIVE "PANORAMA TV"

---