Egnatia ka fituar me shifrat 4-0 duelin ndaj Tiranës në “Arenën Kombëtare”, duke konfirmuar diferencën shumë të thellë që është krijuar tashmë mes skuadrave që luftojnë për titull si ajo rrogozhinase dhe bardhebluve të cilët janë kthyer në kandidatë kryesorë për rënien nga kategoria.

Skuadra e Maganit rezistoi vetëm në pjesën e parë ku nuk krijoi shumë, por as nuk lejoi rrogozhinasit që të krijonin. Sapo ajo filloi të linte hapësira prapa duke tentuar të dilte në sulm, u shpërbë plotësisht, e goditur nga dy gola të rrufeshëm të Ujkës dhe Lushkjes.

Aty ndeshja praktikisht mbaroi për Tiranën, e cila nuk kishte forcë të reagonte dhe vetëm pësonte aksionet e njëpasnjëshme të rrogozhinasve të cilët tundën rrjetën edhe dy herë të tjera para fundit të sfidës, duke marrë një fitore të thellë që i katapulton në kreun e klasifikimit për momentin.

Ndërkohë, Tirana vazhdon të zhytet gjithnjë e më shumë në klasifikim dhe duke parë serinë e rezultateve të fundit, është kandidatja kryesore për rënien nga kategoria.

TIRANA-EGNATIA 0-4
60′ Ujka, 63′ Lushkja, 80′ Bakajoko, 90’+4′ Ndreca

NGJARJET KRYESORE

90’+5’ Mbyllet ndeshja me fitoren 4-0 të Egnatias.

90’+4’ GOOOL EGNATIA! Zbritje e shpejtë nga e djathta për Ujkën, pasimi i tij gjen në shtyllën e dytë Ndrecën i cili i pashqetësuar çon sferën në rrjetë. (VIDEO)

90’ Jepen 5 minuta shtesë.

88’ Malota e Jahaja aktivizohen në minuta e fundit për Egnatian në vend të Dulis e Bakajoko.

85’ Karton i verdhë për Gjumsin pas një faulli ndaj Ujkës.

82’ Leo Melo dhe Xhoel hyjnë në fushë në vend të Fernando dhe Kasës në radhët e Egnatias.

80’ GOOOL EGNATIA! Kundërsulm i rrogozhinasve me dyshen Kasa-Bakajoko që kalojnë gjithë prapavijën e bardhebluve, teksa Bakajako i cili në fund çon sferën në rrjetë. Pamjet verifikohen nga VAR për një prekje të topit me dorë gjatë aksionit nga Kasa dhe një pozicion jashtë loje. Pas tre minutash pritje, konfirmohet si gol i rregullt. (VIDEO) (VIDEO)

77’ Ujka hyn në zonë nga e majta dhe lëshon një gjuajtje të fortë që grushtohet nga Selmani i vëmendshëm. (VIDEO)

73’ Marku merr vendin e Soler te Tirana.

72’ Harkim perfekt nga e djathta e sulmit të Tiranës për Ismajlin i cili gjuan me kokë i vetëm në zonë, pa gjetur portën e Dajsinanit. (VIDEO)

65’ Tirana është e shpërbërë dhe Zejnullai shënon edhe golin e tretë. Por këtë herë ai anulohet për pozicion jashtë loje të Bakajoko gjatë aksionit. (VIDEO)

64’ Zejnullai merr vendin e Lushkjes te Egnatia.

63’ GOOOL EGNATIA! Aksion i shpejtë i Ujkës nga e djathta, pasimi i tij në qendër gjen Lushkjen i cili dyfishon shifrat (VIDEO)

61’ Ndreca dhe Rafael Silva marrin vendin e Zharmuni dhe Smaçit në radhët e Tiranës.

60’ GOOOL EGNATIA! Pas një aksioni nga e djathta e sulmit të Lushkjes, topi mbetet në zonën e vogël të bardhebluve ku në fund është Ujka i cili me kokë çon sferën në rrjetë. (VIDEO)

59’ Pas zhvillimit të një goditje këndi, topi shkon te Smaçi i cili gjuan pa shqetësuar katëkëndorin e rrogozhinasve.

57’ Aleksi ndëshkohet me karton të verdhë për protesta.

52’ Tanimë është Dylis i cili rrezikon me një goditje me kokë, por duke çuar sferën larg portës së Tiranës. (VIDEO)

51’ Bakajoko ul topin në zonë për Ujkën, gjuajtja e tij devijohet në këndore. (VIDEO)

48’ Vetë Prengaj ekzekuton, duke kaluar topin pak mbi traversën e katërkëndorit të Dajsinanit. (VIDEO)

47’ Ka pak tension në fushë pas një faulli të akorduar në favor të Prengajt pranë zonës së Egnatias. (VIDEO)

46’ Pjesa e dytë nis me Prengajn në vend të Micit në radhët e bardhebluve.

45’+5’ Mbyllet pa gola pjesa e parë.

45′ Jepen 4 minuta shtesë.

43’ Fangaj përfiton nga një korridor në qendrën e bardhebluve për të shkuar në zonën kundërshtare, nuk ia del të gjuajë në katërkëndorin e Selmanit. (VIDEO)

39’ Fernando provon nga distanca, sfera shkon mbi traversën e bardhebluve. (VIDEO)

37’ Tirana gjen rrjetën me anë të Zharmuni, por gjyqtari Bylykbashi ndalon gjithçka dhe e bën të pavlefshëm golin, duke akorduar faull në sulm të Ernest ndaj Ndrecës.(VIDEO)

34’ Lushkja ekzekuton një goditje dënimi nga e majta, topi nuk devijohet nga askush dhe ndalet nga Selmani.

33’ Kola ndëshkohet me karton të verdhë pas një faulli ndaj Ndrecës.

30’ Fernando nga e majta harkon në qendër ku Selmani grushton. Sfera shkon te Kasa i cili sheh harkimin nga ana tjetër të largohet nga mbrojtja.

20‘ Kasa gjen hapësirë dhe lëshon në gjuajtje të fortë nga jashtë zonës, që kalon jo shumë lart mbi traversë. (VIDEO)

18’ Ernest tenton roveshatën në zonë, por godet me top Dylis i cili i bllokon hapësirën.

15’ Njëj goditje me kokë brenda zonës së Egnatias nuk shqetëson Dajsinanin pasi sfera shkon larg portës.

12’ Aksion i gjatë i rrogozhinasve, në fund është Ujka i cili bllokohet dy herë në krahun e majtë të zonës në tentativat e tij për të mposhtur Selmanin. (VIDEO)

10’ Egnatia merr kontrollin e lojës, me aksione nga krahët nga ku tenton të gjejë hapësirë për të gjuajtur në portën e vendasve.

6’ Gjumsi nga e djathta pason në zonë për Ernest, por Dajsinani del dhe kontrollon sferën.

2’ Bakajoko tenton të befasojë Selmanin me një gjuajtje nga mesfusha, portieri është larg katërkëndorit por për fat sheh sferën të përfundojë jashtë. (VIDEO)

1’ Nis dueli me shkelmimin nga qendra të bardhebluve.

 

FORMACIONET ZYRTARE

TIRANA: Selmani, Mici, Dembele, Kola, Përgjoni, Soler, Ismajli, Smaçi, Gjumsi, Zharmuni, Ernest. 

Trajner: Gugash Magani

EGNATIA: Dajsinani, Dulis, Xhemajli, Ndreca, Fangaj, Aleksi, Fernando, Lushkja, Ujka, Kasa, Bakajoko.

Trajner: Edlir Tetova

PANORAMASPORT.AL

NDIQE LIVE "PANORAMA TV"

---