Vllaznia ka mposhtur 2-1 Teutën në sfidën e javës së 14-të të Superiores. Një fitore dramatike e shkodranëve në “Loro Boriçi”, që erdhi falë golit të ish-lojtarit të Teutës, Ildi Gruda.

Gruda u aktivizua si zëvendësues në pjesën e dytë dhe vendosi takimin në minutën e 90-të. Më parë ishte Nasr që kishte barazuar me një gol kryevepër.

Pjesa e parë u mbyll ndërkohë në avantazh nga Vllaznia, te të cilët shënoi Bajrami. Me këtë fitore, Vllaznia merr provizorisht vendin e parë me 25 pikë, një më shumë se Partizani që do luajë të dielën me Laçin.

Në anën tjetër Teuta mbetet në kuotën e 17 pikëve duke u renditur në vendin e gjashtë.

REZULTATI PËRFUNDIMTAR

VLLAZNIA 2-1 TEUTA

45+2′ Bajrami, 90′ Gruda – 67′ Nasr

NGJARJET KRYESORE

90+9′ Mbyllet ndeshja me fitoren e Vllaznisë.

90+6′ Karton i verdhë për vonesa ndaj Jagos.

90+3′ Juriç merr vendin e Malës.

90′ GOOOL! Ildi Gruda rikthen Vllazninë në avantazh. Festë e madhe në “Loro Boriçi”. (VIDEO)

90′ Akordohen 5 minuta shtesë.

88′ Deliu rikthehet nga dëmtimi dhe aktivizohet në vendin e Qatos.

87′ Tafas ka nevojë për shërbimet e stafit mjekësor, ndërsa Teuta po ekzekuton një goditje këndi.

82′ Karton i verdhë për Ergys Peposhin.

79′ Çoba humbet mundësinë e shkëlqyer për të rikthyer Vllazninë në avantazh. (VIDEO)

76′ Largohet Toma dhe futet Preknicaj te Teuta.

75′ Beqja provon një supergol, por topi përfundon mbi portën e Qarrit. (VIDEO)

74′ Kahrimanoviç i lë vendin Çobës, ndërsa largohet dhe Dodaj për Grudën.

73′ Karton i verdhë për Kahrimanoviç, që nis lojën pa vërshëllimën e Xhajës.

72′ Karton i verdhë për Jazxhi që kryen ndërhyrje të gabuar, që humbet sfidën ndaj Bylisit.

67′ GOOOL! Kryevepër e Nasr, që barazon sfidën. Kristi Qarri e ka të pamundur të ndalë goditjen e lëshuar nga një distancë më e madhe se 25 metra. (VIDEO)

59′ Toma fiton goditje nga këndi. Kruja ekzekuton me top në shtyllën e parë, të cilin Mala e largon pa problem. (VIDEO)

54′ Peposhi provon me një goditje nga jashtë zone. Topi përfundon jashtë për fat të Vllaznisë. (VIDEO)

47′ Teuta nis me vrull pjesën e dytë duke provuar të rrezikojë portën e mbrojtur nga Qarri.

46′ Nis pjesa e dytë me dy zëvendësime nga Teuta. Ergys Peposhi merr vendin e Arifit, ndërsa Torraj të Boçit.

45+5′ Mbyllet pjesa e parë me rezultatin 1-0 për shkodranët.

45+2′ GOOOL! Vllaznia kalon në avantazh me Melos Bajramin. Mbrojtësi tund rrjetën pas harkimit në shtyllën e dytë nga Kahrimanoviç, që ekzekuton në mënyrë perfekte këndoren. (VIDEO)

45+1′ Mala i afrohet golit, por topi devijohet nga mbrojtja durrsake në këndore. (VIDEO)

45′ Akordohen 4 minuta shtesë.

44′ Qarri i thotë “jo” golit të Teutës. Reflekset e portierit të Vllaznisë shpëtojnë kuqeblutë nga goli. (VIDEO)

42′ Faull në dëm të Balaj nga Jazxhi. Balaj ndëshkohet me karton të verdhë për reagimin pas faullit të fituar.

41′ Moment i pashfrytëzuar në zonë nga lojtarët e Vllaznisë. (VIDEO)

36’ Aksion i rrezikshëm nga Vllaznia. Sala provon në fund me goditje nga jashtë zone, që përfundon jashtë. (VIDEO)

35′ Pretendime për penallti nga Vllaznia. Kryesori Xhaja vazhdon lojën. (VIDEO)

35’ Kruja i Teutës ka sërish pretendime për një faull të padhënë në dëm të tij.

34’ Balaj dhe Dodaj nuk arrijnë të shfrytëzojnë krosimin e Gurishtës në zonë. Ky aksion fiton duartrokitjet e trajnerit Brdariç. (VIDEO)

33′ Kruja ka nevojë për ndihmë mjekësore pas dëmtimit të pësuar.

22′ Kapiteni i Vllaznisë, Bekim Balaj, komunikon te Xhaja ndërsa loja është e ndalur për faull në favor të Teutës. Shkodrani ka pakënaqësi për disa vendime.

17′ Nasr provon nga Teuta në një pozicion të prirët. Qarri tregohet i vëmendshëm dhe devijon topin në këndore. (VIDEO)

16′ Tronditet porta e Tafas. Është Balaj që flirton me golin, pas harkimit të topit nga Jago. Xhaja akordon faull në favor të Teutës. (VIDEO)

14’ Beqja i shkon pranë golit me Teutën pas harkimit të ardhur në zonë nga goditja e dënimit. Mbrojtja e Vllaznisë nuk reagon si duhet, teksa Qarri largon topin në këndore duke shpëtuar skuadrën nga goli. (VIDEO)

5′-8′ Akordohet penallti për Vllazninë dhe më pas gjithçka kthehet nga Xhaja, që rishikon rastin me VAR. Në fillim kryesori akordoi faull ndaj Malës nga Tafas, ndërsa më pas vendimi u rikthye me faull në sulm. (VIDEO)

1′ Nis ndeshja në Shkodër.

FORMACIONET ZYRTARE

VLLAZNIA: Qarri; Gurishta, Sala, Balaj, Kahrimanoviç, Bajrami, Mala, Dodaj, Qato, Jago, Stojanoviç

Trajner: Tomas Brdariç

TEUTA: Tafas; Marku, Jazxhi, Beqja, Nasr, Boçi, Kruja, Kotobelli, Lloci, Toma, Arifi

Trajner: Edi Martini

PANORAMASPORT.AL

NDIQE LIVE "PANORAMA TV"

---