Me ardhjen e trajnerit Vladimir Gjoni, Valbona arriti t’i bëjë një mbyllje pozitive fazës së parë, ku grumbulloi 4 pikë në dy ndeshje. Pavarësisht se ndodhet në vendin e parafundit, me një trepikësh. tropojanët kalojnë në mesin e tabelës, gjë që është brenda objektivave të klubit.

Faza e dytë nis në transfertë ndaj Besës, ku tropojanët shpresojnë te ndonjë mrekulli për të arritur të paktën një barazim. Lidhur me këtë takim, për “Panorama Sport”, mbrojtësi Alvaro Farruku u shpreh: “Ne e dimë se kush jemi dhe çfarë force ka ekipi. Nuk mund të them se do arrijmë sërish një sukses tjetër në transfertë ndaj Besës. Me bindje e them se kavajasit do ta kenë shumë të vështirë ndaj nesh. Do të luajmë për fitore, ashtu siç futemi në çdo takim.

Duke ditur se Besa është një skuadër e fortë dhe me pretendime, ne do të ishim mjaft të kënaqur edhe me një barazim”. Valbona në 11 ndeshjet e fazës së parë grumbulloi vetëm 9 pikë, duke fituar më shumë pikë në transferta se sa në shtëpi. Dy fitore dhe tre barazime, bënë të mundur që skuadra të jetë mes ekuilibrash për mbijetesë, por përsëri çalon vija sulmuese, teksa në 11 ndeshje ka shënuar vetëm 6 gola. Ardhja e trajnerit të ri mund të jetë edhe çelësi i suksesit për vazhdimësinë.

ABDULLA DUSHKU-PANORAMASPORT.AL

NDIQE LIVE "PANORAMA TV"

---