Pak më shumë se 24 orë përpara sfidës delikate të kampionatit ndaj Juventusit, “Lojtari i ndeshjes” në Komo-Milan, Emerson Rojal, ka folur në mikrofonat e “Sport Mediaset” për të prezantuar sfidën ndaj bardhezinjve.

Ka ardhur fitorja e parë në kampionat nën drejtimin e Konseisao. A mund të arrijë Milani në vendin e katërt? Po, kur flasim për Milanin duhet ta kemi parasysh këtë, sepse ne jemi një klub i madh, jemi shumë të fortë dhe kjo ndeshje me Juven do të jetë shumë e rëndësishme për ne sepse në ndeshjet e fundit nuk kemi bërë shumë mirë.

Tri fitore dhe një barazim nuk janë keq apo jo? Vinim nga fitorja në Superkupë, nuk fituam ndaj Kaljarit dhe hasëm shumë vështirësi kundër Komos. Duhet të vazhdojmë kështu sepse nëse vazhdojmë kështu, duke fituar të gjitha ndeshjet, mund të përfundojmë në vendin e katërt.

Mund të fitojë ky Milan në Torino? Po, mund të fitojë kudo pasi e kemi bërë në Madrid apo në derbet kundër Interit. Me këtë organikë që kemi mund të fitojmë kundër çdo skuadre. Por për ne gjëja më e rëndësishme është të vazhdojmë kështu, duke punuar si ekip, në çdo ndeshje dhe mendoj se kjo është gjëja më e rëndësishme.

A është e vërtetë që Konseisao ju kërkon të jeni më ofensivë? Po, madje që ditën e parë trajneri më tha të hiqja frenat e dorës dhe të sulmoja. Dhe kjo është arsyeja pse erdha te Milani fundja. Diçka të ngjashme e bëja te Betisi, në Barcelonë, në të gjitha skuadrat për të cilat kam luajtur dhe besimi që më jep trajneri është i rëndësishëm.

Çfarë është Milani për një brazilian? Për një brazilian, Milani është klubi më i madh në botë, sepse kanë kaluar shumë yje të Brazilit. Ronaldinjo, Kaka, KAfu e shumë lojtarë të tjerë e kanë veshur këtë fanellë. Për mua është një nder dhe krenari që jam këtu.

Si e vlerësoni Juventus-Milan? Është si çdo ndeshje tjetër. Në Serie A të gjitha ndeshjet janë të vështira, sepse janë më taktike, më agresive. Dhe për ne është e rëndësishme ta fitojmë, po bëjmë mirë, po rritemi dhe duhet të qëndrojmë të fokusuar në të gjitha momentet e ndeshjes. Do të ishte thelbësore. Arrijmë mirë në ketë ndeshje dhe duhet të vazhdojmë kështu.

NDIQE LIVE "PANORAMA TV"

---