Vora do të udhëtojë në një transfertë të vështirë të premten, kur do të përballet në Fier me ekipin vendës. Apolonia po kalon një moment të vështirtë, pasi është shumë deficitare sa i takon pikëve, dhe do të luftojë shumë ndaj Vorës, për t’i marrë qoftë edhe një barazim.

Gjithsesi, Vora nga ana e saj nuk i trembet asnjë kundërshtari dhe për të janë të gjithë të fortë, pa bërë dallime mes ekipeve. I vetmi objektiv i vorakëve është fitorja dhe tri pikët. E për këtë i duhet mund dhe qetësi për para kësaj sfide. Ysni Ismaili, mbrojtësi i djathtë i Vorës dhe Kombëtares U-21, është i sigurt se edhe këtë herë Vora do të dalë me fitore nga fusha e Fierit. Për “Panorama Sport”, në prag të duelit me Apoloninë, Ismaili u shpreh:

“Çelësi i çdo suksesi te ne është vetëm qetësia para ndeshjes. Ne e konsiderojmë thjeshtë si një ndeshje radhe dhe duhet të plotësojmë synimet e objektivin që kemi para çdo takimi, fitoren. Më shumë se gjithçka tjetër pikët, na interesojnë pikët. Kjo është një përballje e vështirë, sepse edhe fierakët do të kërkojnë maksimumin ndaj nesh. Ne e njohim forcën tonë dhe jemi të bindur se do të arrijmë suksesin e radhës. Duhet të jemi sa më të qetë para kësaj sfide, në mënyrë që të dalim në lojën tonë e më pas gjithçka është e zgjidhshme. Vora ka projektin e saj ambicioz, që këtë vit do të realizohet me ngjitjen në Superiore”.

ABDULLA DUSHKU- PANORAMASPORT.AL

NDIQE LIVE "PANORAMA TV"

---