Moviola e Elbasani-Partizani/ Dyshime dhe interpretime, vendësve i mungon penallti (VIDEO)
Ndeshja mes Elbasanit dhe Partizanit, e gjykuar nga Florjan Lata u përfshi nga disa episode të dyshimta dhe të interpretueshme. E vetmja gjë që mund të thuhet me siguri është se mungon një penallti për vendësit, teksa nuk mungojnë as momente të tjera të diskutueshme.
23′ Rrapaj fiton një top në duel me Dros dhe më pas shërben për Zekën, që tund rrjetën. Elbasanasit pretendojnë për faull të Rrapajt kur rrëmben topin. VAR-i e rishikon dhe lë në fuqi vendimin e Latës në fushë. Episod i dyshimtë, por më së shumti duket sikur Rrapaj i ka fituar hapësirën kundërshtarit dhe i ka marrë topin. (VIDEO)
40′ Në të 40-ën Dros ndërhyn me takë ndaj Carës nga mbrapa, me vonesë. Lata e ndëshkon me të verdhë. Moment i interpretueshëm, pasi është një ndërhyrje mes dy kartonëve.
45+3′ Rrapaj shënon për 1- 2, por anësori e anulon për pozicion jashtë loje. Vendim i drejtë, që më pas konfirmohet edhe në VAR. (VIDEO)
90′ Elbasani shënon në minutën e 90-të, por gjyqtari e anulon. Sembene dhe Gjoni kapen me njëri-tjetrin dhe sulmuesi shërben në qendër, para se të shënohet nga Lajthia. Lata e anulon për faull. Kapje fanellash ka, por nga të dyja anët, çka përbën sërish një duel të interpretueshëm. Më së shumti anon në të drejtë të Latës, pasi Gjoni është i pari që nis kapjet, por arbitri duhej të kishte fërshëllyer më parë dhe jo në momentin e fundit. (VIDEO)
90+5′ Përplasje në zonën e Partizanit. Fillimisht Gjoni ul një top me gjoks dhe Piloto ngre këmbën i shkujdesur dhe godet sulmuesin në dorë. Gjoni reziston dhe më pas rrëzohet në zonë pas një dueli me Bytyçin. Lata, por çuditërisht edhe VAR-i lejojnë vijimin e lojës, por pamjet tregojnë për penallti. Gjoni luan me topin dhe kërkon të vendosë këmbën në tokë, por Bytyçi e godet në gju dhe e merr me vete për tu rrëzuar të dy. (VIDEO)
PANORAMASPORT.AL
NDIQE LIVE "PANORAMA TV"