Mungesat te Spanja, iberikët janë një skuadër e gjitha për t’u bërë
Dëmtimet, largimet nga kombëtarja apo momentet e vështira detyrojnë një ndryshim, për të bërë një ekip të ri, por pa harruar peshën dhe përgjegjësinë e të veshurit të një fanelle si ajo e Spanjës.
Spanja aktuale është e detyruar të bëjë ndryshime. Nuk ka armëpushim apo pushim. De la Fuente e di këtë dhe lojtarët e kanë të qartë presionin e shtuar për ndërtimin e një “Furie” të re. Trajneri e ka bërë tashmë në shumë raste, pasi çdo vit duhej ta bënte në kategoritë e ulëta. Dhe pothuajse gjithmonë me sukses. Në skuadrën që u përball me Danimarkën në Mursia, vetëm Laport, Fabian Ruiz, Lamin Jamal dhe Morata ishin titullarë në finalen e kampionatit Europian në Berlin kundër Anglisë. Është e vërtetë se Zubimendi dhe Ojarzabal patën një rol aktiv në suksesin në finale, por me një rol tjetër. Tani të dy e dinë gjithashtu se roli i tyre ka ndryshuar. Nuk i tremb dhe nuk duket se tremb edhe Aleks Baenën, Grimaldon, Hoselun apo Merinon, të pranishëm edhe në Gjermani.
PËR T’U BËRË – Në tri raste trajneri ka folur për momentin që po përjeton skuadra kampione e Europës pas ndeshjes ndaj Danimarkës. Ai e di sfidën përpara dhe e merr përsipër.
“Të gjithë projektet janë të konsoliduara nga sukseset. Por është ndërtuar edhe nga baza e talentit, e futbollistëve të mirë, të cilët tashmë do të njihen në media për këtë mundësi”. Që nga marrja e detyrës dhe përveç ndeshjes kundër Skocisë, De la Fuente ka përcjellë besim në çdo moment, pavarësisht se me kë ka luajtur dhe kundër kujt ka luajtur. Ai nisi një projekt pas dështimit në Katar dhe në çdo moment po di të hedhë themelet që Spanja të jetë e njohur dhe e suksesshme, gjë që e pasqyrojnë fitoret në Ligën e Kombeve dhe Europianin. “Ne jemi të qetë sepse ka një marrëdhënie të rëndësishme edhe pas, në dhomën e gjumit. Kjo na lejon të shikojmë me qetësi të tashmen dhe të ardhmen. Por gjithçka kërkon kohë. Ne kishim një grup koheziv, tani duhet të fillojmë një ndërtesë tjetër. Me çimenton e mirë dhe lëndët e para të mira e bëjnë gjithçka më të lehtë për t’u ndërtuar”, tha ai.
PANORAMASPORT.AL
NDIQE LIVE "PANORAMA TV"
