Në ndryshim të plotë nga sezoni i kaluar, Naftëtari do të futet në sezonin e ri me pretendime ambicioze. Klubi ka shpallur si objektiv rikthimin pas një mungese të gjatë në Kategorinë e Parë. Për të finalizuar me suksese misionin, kuçovarët janë treguar aktiv në merkato.

Së fundmi, te kuçovarët është afruar braziliani Breno, i cili sezonin e kaluar ishte pjesë e Vorës. 24-vjaçari luan si mesfushor qendror. Naftëtari ka marrë masat dhe për portën. Pas largimit të Kristjan Selmani, porta këtë sezone pritet të mbrohet nga një 20-vjeçar nigerian. Mekato në Kuçovë mbetet e hapur dhe në vijim priten futbollistë të tjerë.  ARBEN ÇEPANI

Fiton Basania, festival golash në Koplik

Festival golash në miqësoren e zhvilluar në Koplik mes dy skuadrave fqinje, që në këtë sezon do të luajnë së bashku në Kategorinë e Dytë, Veleçiku dhe Basania. Testi ngjalli interesa nga dy të kampet, pasi ishte si një ballafaqim derbi. Vendësit kane kaluar të parët në avantazh me të riuan Pjetraça. Më pas miqtë marrin frenat e lojës, duke shënuar 3 gola me Hasën, Tafilin dhe Çals. 1-3 u mbyll pjesa e parë. Edhe fraksioni i dytë ka folur për Basanian, që realizuar edhe 2 gola te tjerë me Shimën dhe Daia. Djemtë e trajnerit Duli shkurtuan distancën me 2 golat e shënuar nga Elvis Rrustemaj. Në pjesën e dytë miqtë mbetën me 10 vetë, takimi u mbyll me fitoren 5-3 të Basanias. Bashkim Ramekaj

Delvina i jep leksion Butrintit në miqësore

Delvina-Butrinti 2-0
Golat: Cendrik 4’, 61’

Delvina: Xhaferaj, Donu, Çarçani, Avduli, Soue, Nikolla, Abet, Boçi, Samir, Cendrik, Myftari. (U aktivizuan: Braho, Peçi, Aliaj, Musta). Trajner: Markelian Alinani

Butrinti: Anderson, Gjata, Basha, Dikson, Malaj, Çelo, O.Ageja, Dauti, Zhezus, Agu, Onuh. (U aktivizuan: Lala, Sejko, Sulejmani, S.Ageja, Husi, Tafa).  Trajner:Adriatik Faslliu

Kartonë të verdhë: Nikolla 27’/ E.Gjata 63’

Gjyqtar: Erjon Lapa(Sarandë)

Delvina i tregon “dhëmbët” Butrintit, duke e mundur 2-0 në miqësore. Një ndeshje ku Butrinti për asnjë moment në pjesën e parë nuk u ngrit në nivelin e duhur, ndërsa në pjesën e dytë, me zëvendësimet e kryera loja e tyre mori tjetër ritëm, por goli nuk u doli. Delvina arriti që me lojën e saj të shpartalloj të gjitha aksionet e Butrintit që nga mesfusha. Golat u shënuan nga një në çdo pjesë. Minuta 4, Cendrik përfiton nga një asist i Donu duke mposhtur portierin Anderson. Ndërsa në pjesën e dytë po i njëjti futbollist, Cendrik, në minutën e 61-të gjeti të pa përgatitur mbrojtjen sarandjote dhe dyfishoi shifrat në 2-0. Me këtë rezultat u mbyll miqësorja mes Delvinës dhe Butrintit. FATOS LAMAJ

PANORAMASPORT.AL

NDIQE LIVE "PANORAMA TV"

---