Ismail Sodiq pritet të jetë prezantimi i radhës te Partizani. Mbrojtësi i djathtë konsiderohet si zëvendesuesi i Hadrojt dhe në Nigeri kanë zbuluar detaje të tjera të kontratës.

Klubi i kuq ka arritur akordin për 100 mijë euro me klubin e Remo Stars, ndërsa vetë mbrojtësi do të përfitojë rreth 7500 euro në muaj.

Një transferim që ka dritën jeshile për shkak se nigerianët nuk dëshironin largimin me kosto zero në fund të sezonit.

Sodiq ka rënë dakord për të firmosur një kontratë të vlefshme për tre vite. Një detaj tjetër është dhe klauzola e lirimit, që 21-vjeçari do të ketë në rast largimi nga Partizani.

Në sezonin e kaluar, nigeriani spikati me asistet e tij duke dhuruar 13 të tillë. Klubi i tij e mbylli në vendin e dytë. Në anën tjetër gjatë këtij edicioni kontribuoi me dy asistime dhe shënoi katër gola në të gjitha kompeticionet, teksa Remo Stars kryeson në elitën e futbollit nigerian.

PANORAMASPORT.AL

NDIQE LIVE "PANORAMA TV"

---