Edicioni i 108-të i Xhiros së Italisë, siç dihet do të nisë nga Shqipëria, teksa vendi ynë do të presë për herë të parë në histori evenimentin prestigjioz të çiklizmit.Gjithçka do të fillojë të premten, më 9 maj 2025, me një etapë të mesmemalore që nis në Durrës dhe përfundon në Tiranë. Ky fraksion do të ofrojë një “fazë malore në qytet”, me 1800 metra ngjitje të shtrirë në 164 km, një pedalim konkurrues që t’i japë menjëherë tonin garës. Të shtunën, më 10 maj, rrugët e Tiranës do të shndërrohen në një shesh beteje për një provë kohore individuale në kronometër me distancë 13.7 km.

Një etapë shumë e rëndësishme që do të nxjerrë menjëherë në skenë pretendentët për triumfin final. Trilogjia e etapave shqiptare do të përmbyllet me një tjetër skenë të mesme malore të dielën, më 11 maj, një kurs 160 km që fillon dhe përfundon në Vlorë (Vlorë) me 2800 metra rritje në lartësi.

Kjo fazë përfundimtare në tokën shqiptare premton një sfidë epike, duke mbyllur një hapje emocionuese të Xhiros së Italisë, me eventin që më pas do të zhvendoset përtej Adriatikut. Tri etapa kuqezi nuk do të jenë aspak të thjeshta për çiklistët, të cilët do të përballen menjëherë me sfida të ndryshme dhe një fillim intensiv. Nga ana tjetër tifozët shqiptarë jo vetëm që do të jenë dëshmitarë të ngjarjeje historike, por do të shijojnë edhe një spektakël sportiv të nivelit të lartë, pasi favoritët e Xhiros do të thirren menjëherë në aksion.

ETAPA 1, DURRËSTIRANË (164 KM)

Xhiro e Italisë ka nisur disa herë nga brigjet e detit Adriatik, por në vitin 2025 do ta bëjë këtë nga bregu përballë, nga Durrësi, një nga qytetet kryesore të Shqipërisë me një histori të gjatë dhe të pasur. Nga bregdeti itinerari do të vijojë në brendësi të vendit dhe në vetëm 70 km, çiklistët do të ndeshen me ngjitjen e parë të vërtetë të Xhiros, në fshatin Gracen (kategoria e dytë, 13.5 km me 5.2%). Pedalimi do të vazhdojë më pas për në Tiranë, ku do të fillojë një cirkuit 22.2 km, i cili do të përsëritet dy herë dhe do të karakterizohet nga ngjitja e Surrelit (kategoria e tretë), e cila do të përballet për herë të fundit më pak se 12 km nga vija e finishit. Në total, çiklistët do të duhet të përshkojnë 164 kilometra.

ETAPA 2, TIRANË (KRONOMETËR 13.7 KM)

Etapa e dytë do të jetë një provë kohore shumë e rëndësishme për liderët, pasi Tirana do të presë garën e kronometrit prej 13.7 kilometrash. Priten masetare të larta, duke patur parasysh konfigurimin e këtij kursi shumë të shpejtë, të shënuar vetëm nga disa kthesa U ose kënde të mprehta. Do të jetë një sfidë e shpejtë ndaj kohës, ku duhet patur kujdes me maloren e Saukut, e cila do të jetë rreth mesit të garës. Një ngjitje e butë për rreth 1 kilometër e gjysmë, e cila mund të rezultojë vendimtare për etapën. Nëse specialistët kanë arritur të kursejnë energji në etapën e parë, mund të synojnë fitimin e fanellës rozë në Tiranë.

ETAPA 3, VLORË (160 KM)

Etapa e tretë dhe e fundit në Shqipëri do të jetë gjithashtu çdo gjë tjetër veçse e thjeshtë, me një itinerar 160 km që shpaloset rreth Vlorës, ku vendosen si fillimi ashtu edhe fundi. Etapa është mjaft e valëzuar, por fati i garës do të varet nga Qafa e Llogorasë (kategoria e dytë, 10.7 km me 7.4%), që do të kalohet 39 km nga fundi, me 25 km të finale në terren të sheshtë. Nëse përballohet në mënyrë agresive, kjo ngjitje mund të krijojë seleksionim të dukshëm, duke i detyruar çiklistët kryesorë të jenë strategjikë në lëvizjet e tyre. Pas tri ditësh që do të lënë gjurmë të pashlyeshme në historinë e çiklizmit, Xhiro e Italisë do të zhvendoset nga porti i Vlorës për të vijuar në shtetin fqinj.

ARTIN LLESHAJ-PANORAMASPORT.AL

NDIQE LIVE "PANORAMA TV"

---