Ngjarja tragjike në familjen e Alban Bushit, presidenti Duka mesazh ngushëllimi për trajnerin e Kombëtares U-21
Dita e sotme është e dhimshme për Alban Bushin, që humbi prindërit në një aksident automobilistik në Greqi. Një ngjarje tragjike kjo për trajnerin e Kombëtares U-21, ndërsa ndërruan jetë Ali dhe Bukurije Bushi.
Presidenti i FSHF, Armand Duka, ka shprehur ngushëllimet e tij së fundmi. Postimi i Armand Dukës:
“Sapo mësova lajmin e dhimbshëm për ndarjen tragjike dhe të parakohshme nga jeta të dy prindërve të jashtëzakonshëm, njerëzve të mirë, Ali dhe Bukurije Bushi, në një aksident në Greqi.
Në këtë moment të vështirë, mendimet e mia shkojnë tek Albani dhe të gjithë anëtarët e tjerë të familjes, që përveç trishtimit për këtë humbje të madhe, do të përballen edhe me mungesën e pamatë të dashurisë prindërore.
Në emrin tim personal dhe të Federatës Shqiptare të Futbollit, ku Albani ka kaluar shumë vite si pjesë e kësaj familjeje të madhe, shpreh ngushëllimet më të sinqerta. Qoftë kujtimi i tyre i paharruar!”
PANORAMASPORT.AL
