Presidenti shqiptar i Federatës së Futbollit në Maqedoninë e Veriut, Muamed Sejdini, është sulmues fizikisht nga disa persona të maskuar. Lajmi është bërë i ditur nga mediat shqiptare në Maqedoninë e Veriut teksa thuhet se ngjarja ka ndodhur në një restorant të quajtur “Ballkanika Rustikana” në Shkupi.  

 

Kjo është konfirmuar edhe nga zëdhënësi i Federatës i cili në një prononcim për mediat vendase ka deklaruar: “Duke dalë nga restauranti pas një takimi pune, disa persona të panjohur kanë sulmuar presidentin dhe shoqëruesin e tij.” 

Arsyet për këtë sulm ende nuk bëhen të ditura, por Policia e Shkupit po punon për zbardhjen e kësaj ngjarje. Presidenti Sejdini ndodhet në komisariatin e Shkupit për procedura të mëtejshme, ndërsa është jashtë rrezikut për jetën. 

PANORAMASPORT.AL

NDIQE LIVE "PANORAMA TV"

---