Myrto Uzuni vazhdon të shënojë me Granadan dhe që tani është një nga golashënuesit më të njohur në historinë e këtij klubi.

Në fakt, Uzunit i duhet edhe një gol i vetëm për të barazuar rekordin e 44 golave të shënuar nga El Arabi me fanellën e këtij klubi, ku marokeni kryeson renditjen e të gjitha kohëve. Me ritmin me të cilin po shënon Uzuni, ky rekord nuk do të presë shumë për t’u thyer dhe mundësia do t;i jepet që pas dy javësh me Kadiz, meqë për fundjavën e ardhshme do të jetë i grumbulluar me Kombëtaren dhe do të humbasë sfidën e La Liga 2.

Ajo ndeshje do të jetë e veçantë gjithsesi për sulmuesin shqiptar, pasi do të shënojë ndeshjen e tij të 100 në La Liga me Granadan, të ndarë mes La Liga 1 dhe La Liga 2. Nëse do të vijë edhe goli, do të kalonte El Arabin menjëherë të paktën sa i përket numrit të ndeshjeve që iu deshën në kampionat për të shënuar numrin 44, pasi marokenit iu deshën 130 ndeshje.

PANORAMASPORT.AL

NDIQE LIVE "PANORAMA TV"

---