KEPA 5 – Një njollë, madje edhe e madhe, në paraqitjen e tij. Gjithmonë gati dhe i vëmendshëm ndaj konkluzioneve të Napolit, ai ndien, por nuk e shpëton penalltinë e Zielinskit, ama gabimi në golin e Ostegardit shënon mbrëmjen e tij.

KARVAHAL 6 – Në pjesën e parë arrin t’i marrë masën Kvaratskhelias që nuk ngacmon, në pjesën e dytë gjeorgjiani ndizet dhe spanjolli vuan në markimin e tij. Në përgjithësi, performanca ishte e mjaftueshme.

NAÇO 5 – Ditë aspak të mira për kapitenin. Pas kartonit të kuq dhe pezullimit me tri ndeshje në La Liga, vjen një tjetër gabim në momentin e penalltisë së Napolit.

RYDIGER 6.5 – Një nga duelet më të bukura të mbrëmjes ishte ai mes gjermanit dhe Osimhenit. Nigeriani i merr kohën vetëm në një rast, më pas gjermani bëhet një gjigant duke mbyllur edhe pakujdesitë e Naços.

KAMAVINGA 5.5 – Aftësi të mira si mesfushor, por vuan në fazën mbrojtëse dhe shfaq disa kufizime në krahasim me Politanon. Nga 65′ MENDI 6 – Vuan më pak pa Politanon, por rrezikon një autogol në fund.

VALVERDE 7 – Dukej si një ditë pune e zakonshme për uruguaianin si protagonist pa top. Por pikërisht nga një silurë e tij erdhi goli i tretë dhe i fitores për Realin.

TÇUAMENI 6 – Administrim i zakonshëm në mes të fushës, ai menaxhon trafikun duke u ulur në vijën e qendërmbrojtësve në fazën e zotërimit të topit.

KROS 6.5 – Topi është si një fëmijë për gjermanin, ai e menaxhon me lehtësi dhe shpërndan topa për shokët e tij me saktësi ekstreme. Të gjitha goditjet e tij të lira janë të rrezikshme. Nga minuta e 65-të MODRIÇ 6 – Futet mirë në lojë, merr këndin nga i cili vjen autogoli i Meret.

BELLINGAM 7.5 – Çfarë goli do të thoshin në Angli, numri 5 i Realit të Madridit si paraardhësi i tij, Zinedin Zidan. Krahasimet janë të shumta për ish-lojtarin e Dortmundit, fillimi i bujshëm i sezonit dhe goli në “Maradona” është i pabesueshëm. Ai gjithashtu ndihmoi Viniciusin. Alien!

RODRIGO 5 – Ka menjëherë mundësinë për të thyer ekuilibrin, por godet Meret. Nga 76‘ HOSELU – Pa notë.

VINICIUS 6.5 – Një gol me prekje bilardoje ku Bellingam praktikisht bën gjithçka, i ftohtë përballë Meret. Për pjesën tjetër ai përpiqet të çajë, por bllokohet nga Di Lorenco dhe Natan. Ende nuk duket të jetë në gjendje 100%. Nga 84′ SEBAJOS – pa notë.

KARLO ANÇELOTI 6 – Merr shumë rreziqe në një ndeshje shumë të ndërlikuar. Reali i tij menaxhon topin, vuan në disa faza të ndeshjes, por mbështetet te kampionët e tij.

PANORAMASPORT.AL

NDIQE LIVE "PANORAMA TV"

---