Portieri Jan Zomer ka vendosur që ta shoh gjysmë plot gotën e këtij barazimi kundër Bolonjës. Portieri i zikaltërve që kishte disa ndeshje pa pësuar gol në kampionat, këtë herë e nxori topin 2 herë nga rrjeta e tij.

“Duhet të marrim këtë pikë dhe t’i gëzohemi. Nuk është rezultat negativ, pas kaq shumë ndeshjeve që kemi bërë të mira dhe kalendarit të ngjeshur. Ne mund të kishim shënuar golin e tretë, por edhe mund ta kishim pësuar sepse në fund gjithçka ishte e hapur.

E dimë ku kemi gabuar dhe sa mirë mund të bëjmë në të ardhmen. Duhet të përmirësohemi dhe të punojmë nga dita në ditë. Kemi pasur një periudhë ndeshjesh të ngjeshura dhe shumë afër njëra-tjetrës. Nuk është aspak e lehtë”, tha portieri.

PANORAMASPORT.AL

NDIQE LIVE "PANORAMA TV"

---