Futbolli në princip është një rrugë me “sens unik”, ku të gjithë duan të shkojnë sa më lart, por në praktikë jo të gjithë ia dalin.

Gjithçka varet nga situatat e momentit. Dinamo dhe Tirana përplasen sot në një derbi, ku dy skuadrat kanë synime të ndryshme. Blutë janë 10 pikë përpara bardhebluve dhe sot synojnë fitoren për të forcuar pozitat në 4-shen e parë, pse jo dhe për të sulmuar kreun, nëse rivalët gabojnë në sfidat e tyre.

Edhe pse me mungesa, te Dinamo i besojnë momentit të mirë që po kalojnë me dy fitore dhe 2 barazime në javët e fundit, por mbi të gjitha lojë që prodhojnë në fushë. Te Tirana situata është goxha më ndryshe.

Me trajnerin Magani kjo skuadër nuk njeh humbje, por mbetet në një pozicion delikat në renditje, e rrezikuar nga zona e rënies, nga e cila është vetëm 1 pikë larg. Një dështim në derbi do ta shtonte shumë më tepër presionin te bardheblutë. Dinamo është më e qetë, sepse nuk rrezikon asgjë edhe në rast humbjeje, por kjo javë është një mundësi goxha e mirë për të përfituar.

PANORAMASPORT.AL

NDIQE LIVE "PANORAMA TV"

---