Një turne është shumë ndryshe nga një kampionat në vazhdimësi dhe është e vështirë që ndonjëherë të respektohen vlerat e skuadrave. Momentet delikate mund të duan kohë që të absorbohen. Në një Champions, sepse për atë po flasim, mundësitë sigurisht që janë të rëndësishme, por askush nuk e di se në çfarë kushtesh do të gjendet një skuadër përpara një sfide me eliminim direkt.

Në dy ndeshje, mund të gjendesh në një formë të mirë, pa dëmtime, pa skualifikime dhe ndoshta më mirë nga ata që mund të jenë realisht më të fortë. Shembulli është në sytë e të gjithëve. Të luash tani kundër Mançester Sitit ose gjatë kësaj periudhe kundër Realit të Madridit është tjetër gjë dhe tjetër gjë të luash pas 3 javësh ose 2 muajsh. Dhe për këtë arsye të dyja skuadrat kanë dështuar që të siguronin kualifikimin direkt në fazën e 1/8- ave.

Thënë këtë pyetja e momentit, pasi i kemi parë të gjitha skuadrat është: Kush mund ta fitojë Champions-in? A është Interi një nga skuadrat pretendente në këtë kompeticion? Objektivi pak a shumë është thënë edhe në skuadër dhe për momentin përgjigjja është: Po. Klasifikimi i fazës së ligës është një nga arsyet. Skuadra e Simone Inzagit është një mes më të mirave dhe ajo që ka bindur më shumë në këtë kompeticion. Ja arsyet pse.

ORGANIKA- Interi ka një organikë të kompletuar dhe me “Ky Champions na ka sjellë shumë besim” Alesandro Bastoni thotë se mbyllja me fitore e fazës së Ligës në Champions i jep shumë besim Interit për të vazhduar përpara dhe mbi të gjitha shton bindjen që mund t’i shkojnë deri në fund këtij kompeticioni. Ai gjithashtu foli edhe për derbin. “Për ne ishte shumë i rëndësishëm ky objektiv. Përpara së gjithash na jep shumë vetëbesim pas këtij udhëtimi të jashtëzakonshëm.

Kemi një vetëdije që jemi skuadër e fortë. Ne kemi të njëjtën qasje në të gjitha ndeshjet dhe kjo është e rëndësishme. Kjo u pa edhe ndaj Leçes. Pas një fillimi sezoni disi të vështirë jemi rikthyer të jemi skuadra e mëparshme. Derbi? Dy të fundit i kemi humbur dhe tani duhet që të shmangim gabimet.

Do të provojmë patjetër të fitojmë”, tha Bastoni. BASTONI shumë lojtarë. Ka futbollistë të rëndësishëm dhe të pazëvendësueshëm si Lautaro Martinez, por ka luksin që të ketë edhe alternativa sepse t’i quash rezerva është ofendim. Është thënë shpesh nga drejtuesit. Mesfusha e zikaltërve me treshen Fratezi-Asllani-Zielinski mund të ishin titullarë në shumë skuadra të tjera. Barela, Çalha dhe Mkitarian kanë një eksperiencë të jashtëzakonshme, por Inzagi në disa ndeshje (sidomos në kampionat) mund edhe t’i ulë në stol. Dhe pa u futur në detaje, edhe në mbrojtje edhe nga krahët skuadra ka shumë lojtarë.

LIDERË- Në çdo skuadër, madje në çdo grup ka shumë vlerë kualiteti dhe sasia. Por ka edhe një komponent që ndonjëherë nënvlerësohet. Mundësia për t’u bazuar tek liderët, tek ata lojtarë që njohin fitoret dhe dalin në momentet e vështira. Dhe Interi liderë ka pafund. Nga Zomer tek Açerbi dhe De Vraj, nga Pavar dhe te mesfushorët që cituam dhe Lautaro. Pa harruar ndonjë që mund të ofendohet. Në një sfidë dyshe mes Championsit dhe kampionatit, Interi mund të bazohet në këta lojtarë që mund të lexojnë situatat e vështira.

EKSPERIENCA- Interi ka lojtarë me shumë eksperiencë, që këtë eksperiencë e kanë konsoliduar edhe në nivelin kolektiv. Në sensin që të gjithë brenda grupit e njohin njëritjetrin, dinë çfarë t’i kërkojnë dhe ofrojnë shokëve. Interi nuk është në fundin e një cikli, por është në ciklin e tij, prej vitesh tashmë. Eksperienca e dy viteve më parë mund të ndihmojë për të lexuar më mirë skenarët që do të prezantohen në të ardhmen.

INZAGI- Që Simone Inzagi është një trajner i nivelit ndërkombëtar kjo është e dukshme nga të gjithë. Një rrugëtim i nisur nga Lacio, me një Champions të nivelit të lartë. Inzagi nuk është thjesht një trajner i mirë në kohë të gjatë, por edhe një strateg në ndeshjet teke. Ka një kapacitet të jashtëzakonshëm të leximit të ndeshjeve, në studimin e detajeve. Kjo gjë është konfirmuar nga faktet dhe nga rastet e mëparshme. Thënë ndryshe, trajneri është një garanci. Për një rrugëtim të tillë, sigurisht që është me 5-6 trajnerë të tjerë të këtij niveli. Por fakti që është përfshirë në këtë klub është një arritje e madhe.

PANORAMASPORT.AL

NDIQE LIVE "PANORAMA TV"

---