Partizani prej disa ditësh po kryen një minifazë përgatitore, që po i shërben trajnerit Aleksandar Veselinoviç për përshtatje. Trajnerit i është dashur të punojë me një numër të reduktuar lojtarësh të ekipit të parë, pasi siç dihet, pesë futbollistë janë të angazhuar me Kombëtaret.

Arshonzh Bintsuka, i cili ishte thirrur nga Kombëtarja e Kongos për ndeshjet e radhës, është kthyer në stërvitje me ekipin dhe është në dispozicion të trajnerit serb. Sakaq, është mbyllur edhe çështja e dëmtimeve në skuadrën e kuqe. Vangjel Zguro dhe Gjelbrim Taipi janë kthyer në stërvitje me grupin, teksa e njëjta gjë së fundmi ka ndodhur edhe me një nga afrimet e verës, Jozef Mintongo.

Kamerunasi nuk ka luajtur ende asnjë ndeshje zyrtare, që nga dëmtimi në ndeshjen me Apoloninë para nisjes së Superiores. Tashmë ai pritet të jetë në dispozicion të trajnerit.

Sa i përket formacionit të së enjtes me Dinamon, pritet të caktohet pas kthimit të lojtarëve nëpër kombëtare, por fakti është që nuk priten ndryshime prej faktit se me Teutën ekipi u paraqit mirë.

PANORAMASPORT.AL

NDIQE LIVE "PANORAMA TV"

---