Gjyqtari nga Valencia, Antonio Migel Mateu Lahoz, do të jetë në krye të drejtimit të derbit të 31 dhjetorit në “Camp Nou” mes Barcelonës dhe Espanjolit.

Kjo u konfirmua të martën nga federata spanjolle pas shpalljes së emërimeve të arbitrazhit për ndeshjet e javës së 15-të të La Ligës. Kjo do të jetë hera e katërt që Mateu Lahoz drejton një derbi katalanas. Ai e ka drejtuar për herë të parë këtë derbi në sezonin 2014-2015 me suksesin e Barçës 0-2 në “RCDE Stadium”.

Në të tria derbet që ka drejtuar deri më tani Lahoz, Barcelona i ka fituar të gjitha. I veçantë është fakti se për gjyqtarin Lahoz, derbi i Barcelonës do të jetë takimi i parë që do të drejtojë që nga ai në çerekfinalet e Botërorit në Katar mes Argjentinës dhe Holandës, një ndeshje e shoqëruar me polemika të shumta, ku Lahoz ishte pikërisht në qendër të vëmendjes me vendimet e tij.

PANORAMASPORT.AL

NDIQE LIVE "PANORAMA TV"

---