Trajneri i Rajo Vajekanos, Injigo Perez, është shprehur krenar për lojtarët e tij për barazimin 3-3 të arritur të shtunën kundër Realit të Madridit.

Nga ana tjetër ai ka komentuar jo pak edhe episodin e minutës së 81-të, kur Reali pretendoi për një penallti për një faull të Mumin ndaj Vinicius. Me sinqeritet ai ka pranuar se ka qenë lojtari i tij që ka goditur kundërshtarin.

“Nuk më pëlqen të gënjej dhe nga ajo çfarë kam parë është lojtari ynë (Mumin) që godet Viniciusin. Gjyqtari mund ta kishte dhënë penallti, por edhe mund të mos e kishte dhënë, siç ndodhi. Këto janë interpretime delikate dhe VAR duhet të tregohet shumë i kujdesshëm”, shpjegoi ai.

PANORAMASPORT.AL

NDIQE LIVE "PANORAMA TV"

---