Fillimi i ndeshjes mes Shqipërisë dhe Rumanisë në “Arenën Kombëtare” pa një koreografi ndryshe nga grupimi “Tifozat Kuq e Zi”. Këta të fundit, çuan lart disa letra me shkrime, ku shfaqen përsëri hapur kundër vendimit të FSHF për të organizuar bashkërisht me Serbinë fazën finale të Kampionatit Europian të Futbollit U21.

Tifozët kanë qenë që në fillim kundër kësaj ideje dhe me zyrtarizmin që bëhet gjithnjë e më i sigurt, ata kanë shpalosur pakënaqësinë e tyre me këtë protestë në stadium e më pas në rrjete sociale, ku kanë treguar arsyet e qëndrimit.

POSTIMI I TKZ

Mbrëmë, jo për të përmbyllur, por për të vazhduar edhe më, me reagime ndaj organizimit të përbashkët me shkijet të EURO’27 për kategorinë U-21.

Si një reagim ndaj FSHF-së si bashkëorganizatore dhe mbrojtëse e madhe e idesë së këtij bashkëpunimi, kemi shkruar disa nga të bëmat e shkijeve ndaj popullit shqiptar që konsiderojmë se janë të mjaftueshme, që bashkëpunime të tilla të konsiderohen TRADHËTI.

– 15 mijë të vrarë vetëm në luftën e fundit dhe dhjetëra mijëra të vrarë e masakruar nëpër histori.

– 20 mijë gra shqiptare të dhunuara

– 1 milion shqiptarë të dëbuar nga shtëpitë e tyre

– 650 shkolla të shkatërruara

– 30 masakra të kryera mbi civilë shqiptarë të pambrojtur për më pak se 6 muaj.

– 14.10.2014, kur një stadium i tërë në prani të gjithë krerëve shtetëror këndonte për vrasjen e shqiptarëve në kor. Këto thirrje vazhdojnë edhe sot në çdo ndeshje të tyre.

– Afrim Bunjaku, heroi më i ri, i cili u vra nga shkijet pak kohë më parë

– Përparim Thaçi, futbollist, i cili u vra nga shkijet në luftën e fundit

Këto ishin vetëm disa nga pankartat tona që u shfaqën në këtë ndeshje, por jo për të përmbyllur ciklin e reagimeve nga ana e jonë në lidhje me këtë organizim të turpshëm.

Reagimet tona, do të vijojnë, e do të radikalizon deri në dhënien fund të kësaj marrëzie që në emër të kozmopolitizmit po fyhen viktimat dhe e kaluara jonë e dhimbshme.

PANORAMASPORT.AL

NDIQE LIVE "PANORAMA TV"

---