Pas humbjes së Brazilit ndaj Paraguait, Vinicius është përballur me mediat për të folur për situatën e diskutueshme të skuadrës. Performanca e sulmuesit ishte një shkak për shqetësim në Brazil, e reflektuar në shifrat e tij diskrete gjatë ndeshjes.

Lojtari i Real Madridit arriti të kryejë vetëm një driblim nga katër tentativa, humbi 17 posedime dhe fitoi vetëm dy nga shtatë duelet gjatë ndeshjes në “Asunción”. Shtypi brazilian ishte i shpejtë për të vënë në dukje gabimet e ekipit.

“Brazili luan keq dhe humbet”, shkroi agjencia shtetërore e lajmeve “EBC”, në një kritikë të qartë për paraqitjen e ekipit brazilian. Vini nga ana e tij nuk ka nguruar t’u kërkojë falje tifozëve për kritikat e marra. Vinicius nuk iu shmang temës dhe foli me forcë.

REAGIMI – “Ne duam ta kthejmë këtë situatë në Brazil me çdo çmim”. Përveç kësaj, ai bëri thirrje për reflektim: “Lërini të gjithë të shkojnë në shtëpi tani dhe të mendojnë të reflektojnë menjëherë për atë që duhet të përmirësojmë, çfarë duhet të bëjmë për të luajtur përsëri mirë”, tha sulmuesi i Realit.

Braziliani theksoi gjithashtu rëndësinë e fitoreve në ndeshjet e ardhshme: “Nuk mund të vijmë këtu, t’i humbim ato pikë dhe të luajmë ashtu siç luajtëm. E kuptoi vështirësinë e momentit që po kalojmë. Në Europë, topi arrin në fushë më shpejt, ne duhet të përshtatemi për të luajtur në mënyrën më të mirë për të fituar ndeshjet. Duke fituar, do të kemi më shumë qetësi për të luajtur ndryshe”, tha bomberi i “Seleçaos”.

Sot Vinicius, Rodrigo dhe Endrik janë planifikuar të kthehen në stërvitje me Real Madridin për t’u përgatitur për ndeshjen e së shtunës kundër Real Sociedad.

PANORAMASPORT.AL

NDIQE LIVE "PANORAMA TV"

---