250 ndeshje titullar në Premier Ligë me Liverpulin, 100 gola në shtëpi në Premier Ligë, i përfshirë në 27 gola në 17 ndeshje të Premier Ligës këtë sezon. Këto janë disa nga rekordet e Mohamed Salahut vendosur dje, ndërsa ai thotë se shpreson që këtë vit Liverpuli të fitojë titullin.

“Është një rezultat i mirë. Ata ishin shumë të vështirë në pjesën e parë. Por ne arritëm të shënojmë tre gola dhe është një rezultat i shkëlqyer. Kodi shënoi një gol të shkëlqyer.

Është diçka që ai e praktikon shpesh në stërvitje. Jam krenar për 100 golat e mi në shtëpi. Ne po punojmë fortë që të shënojmë më tej. Forma ime? Gjëja më e rëndësishme është që të fitojë skuadra dhe shpresojmë që të fitojmë Premier Ligën.

Do të vazhdojmë të fokusohemi në çdo ndeshje dhe shpresojmë të vazhdojmë kështu. Duhet të qëndrojmë të përulur. Shpresojmë që të fitojmë Premier Ligën dhe është diçka që e ëndërroj për këtë klub”.

PANORAMASPORT.AL

NDIQE LIVE "PANORAMA TV"

---