Rivaldo, fituesi i “Topit të Artë” në vitin 1999, i dha Vinicius disa këshilla pas zhgënjimit të tij që nuk e fitoi trofeun e lakmuar të këtij viti.

“Vinicius duhet ta heqë nga koka këtë histori të Topit të Artë dhe të fillojë të luajë përsëri siç di ai. Fokusi i tij duhet të jetë Reali i Madridit,” tha Rivaldo në “Betfair”, ambasador i të cilit është.

“Vinicius është i ri, ai ka moshën dhe futbollin për ta kthyer të gjithë këtë. Një ditë të fitojë Topin e Artë. Ai mund të jetë më i miri në botë një ose më shumë herë”, tha Rivaldo, i cili la të kuptohet se si jepet ky çmim.

“A e kuptojnë vërtet futbollin të gjithë gazetarët që votojnë? A janë absolutisht të gjithë njerëz të kualifikuar?” Për Rivaldon, Vinicius do të ishte një fitues i çmimit, por edhe Rodri e meritonte.

“Nuk mund ta nënvlerësoj Rodrin. Ai është një lojtar që më pëlqen. Për mua ai ishte kandidati im i dytë. Po vazhdoj të mendoj se Vinicius e meritonte më shumë Topin e Artë”, këmbënguli Rivaldo.

PANORAMASPORT.AL

NDIQE LIVE "PANORAMA TV"

---